ຫວຽດນາມ ຈະຂາຍຮຸ້ນລັດວິສາຫະກິດ 93 ແຫ່ງ, ໃນນັ້ນລວມມີທະນາຄານທີ່ໃຫຍ່ທີ່ສຸດຂອງປະເທດ

ລາຍງານ 16 ສິງຫາ 2019: ຖະແຫຼງການຂອງລັດຖະບານຫວຽດນາມ ເມື່ອວັນພະຫັດ ທີ່ຜ່ານມາ ລະບຸວ່າ ລັດຖະບານມີແຜນຂາດຮຸ້ນລັດວິສາຫະກິດ 93 ບໍລິສັດ ພາຍໃນທ້າຍປີໜ້າ, ໂດຍຈະລວມເຖິງຮຸ້ນ 35% ຂອງທະນາຄານກະສິກຳ ເຊິ່ງເປັນທະນາຄານທີ່ໃຫຍ່ທີ່ສຸດຂອງປະເທດໃນດ້ານຊັບສິນ, ທີ່ມີຊື່ຮຽກຢ່າງເປັນທາງການວ່າ ທະນາຄານເພື່ອກະສິກຳ ແລະ ການພັດທະນາຊົນນະບົດແຫ່ງຫວຽດນາມ (The Vietnam Bank for Agriculture and Rural Development) ລວມເຖິງຮຸ້ນຂອງບໍລິສັດບໍ່ຖ່ານຫິນຂະໜາດໃຫຍ່ຂອງຫວຽດນາມ Vietnam National Coal-Mineral Industries Holdding Corp ແລະ ບໍລິສັດ Vietnam Northern Food Corp.

ທະນາຄານກະສິກຳ ມີຊັບສິນລວມເກືອບ 56,000 ລ້ານໂດລາສະຫະລັດ ເປີດເຜີຍເມື່ອາທິດທີ່ຜ່ານມາວ່າ ແລະ ບໍລິສັດຄາດວ່າຈະໄດ້ກຳໄລກ່ອນຫັກພາສີໃນປີນີ້ ປະມານ 10 ລ້ານລ້ານດົງ ເພີ່ມຂຶ້ນ 32.9% ຈາກປີທີ່ຜ່ານມາ.

ລັດຖະບານຫວຽດນາມເປີດເຜີຍອີກວ່າ ຈະຂ້າຍຮຸ້ນ 50% ຂອງບໍລິສັດການສື່ສານແບບໄຮ້ສາຍ MobiFone ລວມເຖິງບໍລິສັດ Vietnam Posts and Telecommunications Group ແລະ Vietnam National Chemical Group.

ນອກຈາກນັ້ນ ລັດຖະບານຫວຽດນາມຍັງຈະຂາຍຮຸ້ນ 100% ຂອງບໍລິສັດ Vietnam Paper Corp  ພາຍໃນທ້າຍປີໜ້າ ແລະ 2 ບໍລິສັດຜະລິດກະແສໄຟຟ້າຂອງ Vietnam Electricity Group, ເຊິ່ງທັງໝົດນັ້ນແມ່ນເພື່ອເປັນການປັບປຸງລັດວິສາຫະກິດ ແລະ ເພື່ອເພີ່ມເມັດເງິນໃນຄັງເງິນແຫ່ງຊາດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube