ການປະທ້ວງຮົງກົງບານປາຍຂະຫຍາຍອອກນອກປະເທດ ກຸ່ມເຫັນດີ-ບໍ່ເຫັນດີປະທະກັນທີ່ອົດສະຕຣາລີ

ລາຍງານ 17 ສິງຫາ 2019: ກຸ່ມຄົນຈີນທີ່ອາໄສຢູ່ໃນປະເທດອົດສະຕຣາລີ ໄດ້ນັດໂຮມຊຸມນຸມກັນຢູ່ 2 ເມືອງໃຫຍ່ ໂດຍຝ່າຍສະໜັບສະໜູນການປະທ້ວງໃນຮົງກົງ ລວມຕົວກັນໂຮມຊຸມນຸມສົ່ງແຮງໃຈ ໃນເຂດໃຈກາງນະຄອນເມວເບິ້ນ ເມືອງໃຫຍ່ອັນດັບ 2 ຂອງອົດສະຕຣາລີ, ສ່ວນອີກຸ່ມໜຶ່ງສະໜັບສະໜູນລັດຖະບານຈີນ ແລະ ຕໍ່ຕ້ານການປະທ້ວງໃນຮົງກົງ ໂຮມຊຸມນຸມກັນໃນເຂດໃຈກາງນະຄອນຊິດນີ ເມືອງໃຫຍ່ອັນດັບ 1 ຂອງອົດສະຕຣາລີ.

ກຸ່ມຄົນຈີນທີ່ສະໜັບສະໜູນການປະທ້ວງໃນຮົງກົງ ລວມຕົວກັນປະທ້ວງໃນນະຄອນເມວເບິ້ນມາຕັ້ງແຕ່ວັນສຸກ ທີ່ຜ່ານມາ ແລະ ຕຳຫຼວດອົດສະຕຣາລີຕ້ອງເຂົ້າຂັດຂວາງ ເມື່ອກຸ່ມສະໜັບສະໜູນລັດຖະບານຈີນປະມານ 100 ຄົນເຂົ້າໄປປັ່ນປ່ວນ ຈົນເກີດການປະທະກັນເລັກໜ້ອຍ, ເຊັ່ນດຽວກັບທີ່ນະຄອນຊິດນີ ເຊິ່ງກຸ່ມສະໜັບສະໜູນການປະທ້ວງໃນຮົງກົງ ກໍ່ເຂົ້າໄປປັ່ນປ່ວນກຸ່ມຕໍ່ຕ້ານທີ່ມີຈຳນວນຫຼາຍກວ່າ.

ລາຍງານຂອງສື່ທ້ອງຖິ່ນລະບຸວ່າ ການໂຮມຊຸມນຸມໃນນະຄອນເມວເບິ້ນ ຂອງກຸ່ມສະໜັບສະໜູນການປະທ້ວງຮົງກົງ ແລະ ຕໍ່ຕ້ານລັດຖະບານຈີນ ມີກຸ່ມຄົນຈີນທີ່ມາຈາກເຂດປົກຄອງຕົນເອງຕິເບດ ແລະ ເຂດປົກຄອງຕົນເອງຊິນຈຽງອຸຍກູ ລວມເຊິ່ງກຸ່ມຄົນຫວຽດນາມ ເຂົ້າຮ່ວມການຊຸມນຸມ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube