ແຈ້ງຢ່າງເປັນທາງການ ເຫດເຮລິຄັອບແຕກອງທັບ ລົງຈອດສຸກເສີນ ຂະນະປະຕິບັດໜ້າທີ່ປ່ຽນຖ່າຍກຳລັງ

ລາຍງານ 20 ສິງຫາ 2019: ຈາກວິດີໂອທີ່ສະແດງໃຫ້ເຫັນ ຍົນເຮລິຄັອບແຕ ກອງທັບປະຊາຊົນລາວ ລົງຈອດສຸກເສີນໃນສະຖານທີ່ແຫ່ງໜຶ່ງກາງພູ ທ່າມກາງສະພາບອາກາດຜັນຜວນຮຸນແຮງ ໃນສື່ສັງຄົມອອນລາຍຢ່າງກວ້າງຂວາງ ໃນວັນອັງຄານນີ້.

ຫຼ້າສຸດອີງຕາມລາຍງານຂອງສຳນັກຂ່າວສານປະເທດລາວ (KPL) ສື່ທາງການຂອງພັກ ແລະ ລັດຖະບານ ໃຫ້ຮູ້ວ່າ: KPL ໄດ້ສອບຖາມຄວາມເປັນຈິງຈາກພາກສ່ວນທີ່ກ່ຽວຂ້ອງຊາບວ່າ ເຫດການດັ່ງກ່າວ ເກີດຂຶ້ນໃນວັນທີ 15 ສິງຫາ 2019 ທີ່ຜ່ານມາ, ໃນຂະນະທີ່ຍົນລຳດັ່ງກ່າວ ປະຕິບັດໜ້າທີ່ປົກກະຕິໃນການປ່ຽນຖ່າຍກຳລັງ ເຊິ່ງໃນຂະນະນັ້ນໄດ້ເກີດລົມພັດແຮງ ຈົນຜູ້ຂັບບໍ່ສາມາດບັງຄັບເຮືອບິນໃນໃຫ້ສະຖຽນໄດ້ ຈຶ່ງຕັດສິນໃຈລົງຈອດສຸກເສີນຢູ່ກາງໄຮ່ ແຫ່ງໜຶ່ງໃນແຂວງໄຊສົມບູນ, ໂຊກດີບໍ່ມີຜູ້ໄດ້ຮັບບາດເຈັບ ຫຼື ອັນຕະລາຍ, ສ່ວນຍົນເປ່ເພສ່ວນຫາງ ແລະ ຫົວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube