ກົມມາດຕະຖານ ແລະ ວັດແທກ ອອກແຈ້ງເຕືອນ ເຄື່ອງປະຢັດໄຟຟ້າເປັນເລື່ອງຫຼອກລວງ

ລາຍງານ 22 ສິງຫາ 2019: ໂດຍອີງຕາມແຈ້ງເຕືອນ ຂອງກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ເລກທີ 1801/ກວຕ,ກມວ ລົງວັນທີ 21 ສິງຫາ 2019 ກ່ຽວກັບອຸປະກອນປະຢັດພະລັງງານໄຟຟ້າ (Power Factor Saver) ທີ່ມີເນື້ອໃນລະບຸວ່າ:

ຂໍແຈ້ງເຖິງພໍ່ແມ່ປະຊາຊົນ, ອຳນາດການປົກຄອງທຸກພາກສ່ວນຊາບວ່າ ໃນໄລຍະທີ່ຜ່ານມາມີກຸ່ມຄົນຈຳນວນໜຶ່ງ ໄດ້ໂຄສະນາທາງສື່ອອນລາຍວ່າ ມີເຄື່ອງທີ່ປະຢັດໄຟຟ້າ (Power Factor Saver) ທີ່ສາມາດປະຢັດພະລັງງານໄຟຟ້າໄດ້ເຖິງ 50% ມາຈຳໜ່າຍ ເຊິ່ງເຮັດໃຫ້ປະຊາຊົນຈຳນວນໜຶ່ງຫຼົງເຊື່ອ ແລະ ຊື່ເຄື່ອງດັ່ງກ່າວມາຊົມໃຊ້, ອີງຕາມການແຈ້ງຂອງຜູ້ຊົມໃຊ້ເຄື່ອງດັ່ງກ່າວ ທາງກົມຈຶ່ງນຳເອົາເຄື່ອງມາສຶກສາ ແລະ ທົດລອງນຳໃຊ້ຕົວຈິງເຫັນວ່າເຄື່ອງບໍ່ສາມາດປະຢັດພະລັງງານໄຟຟ້າຕາມທີ່ໂຄສະນາ ແຕ່ກົງກັນຂ້າມອຸປະກອນດັ່ງກ່າວຍັງເຮັດໃຫ້ຜູ້ຊົມໃຊ້ເສຍຄ່າໄຟຟ້າເພີ່ມຂຶ້ນຕື່ມອີກ.

ດັ່ງນັ້ນ, ກົມມາດຕະຖານ ແລະ ວັດແທກ ຈຶ່ງຂໍແຈ້ງມາຍັງພໍ່ແມ່ປະຊາຊົນ ແລະ ອຳນາດການປົກຄອງທຸກພາກສ່ວນຈົ່ງມີສະຕິບໍ່ໃຫ້ຊົມໃຊ້ ແລະ ຈຳໜ່າຍອຸປະກອນເຄື່ອງດັ່ງກ່າວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube