ຢືນຢັນຊາຍແດນລາວ-ກຳປູເຈຍ ຢູ່ໃນພາວະປົກກະຕິ ບໍ່ມີການປະທະ, ລມຕ ປ້ອງກັນປະເທດກຳປູເຈຍກ່າວ

ລາຍງານ 24 ສິງຫາ 2019: ຈາກກະແສຂ່າວປອມທີ່ແຜ່ກະຈາຍໃນສື່ອອນລາຍ ກ່ຽວກັບສະຖານະການຄວາມບໍ່ຫງົບໃນເຂດຊາຍແດນລາວ-ກຳປູເຈຍ ບໍລິເວນເຊລຳເພົາ ເຊິ່ງຢູ່ໃນເຂດເມືອງມູນລະປະໂມກ ແຂວງຈຳປາສັກ ສປປ.ລາວ ທີ່ມີຈຸດເລີ່ມຕົ້ນຈາກສື່ອອນລາຍຝັ່ງລາວ ຈົນແຜ່ລາມໄປເຖິງສື່ອອນລາຍຝັ່ງກຳປູເຈຍຢ່າງຟົດເດືອດ.

ຫຼ້າສຸດເມື່ອວັນສຸກທີ່ຜ່ານມາ, ສົມເດັດ ພິໄຊ ເສນາ ເຕຍບັນ ລັດຖະມົນຕີກະຊວງປ້ອງກັນປະເທດກຳປູເຈຍ ໄດ້ກ່າວກັບສື່ທ້ອງຖິ່ນວ່າ: ບັນຫາຊາຍແດນລາວ-ກຳປູເຈຍຢູ່ໃນພາວະປົກກະຕິ ບໍ່ມີຄວາມເຄັ່ງຕຶງ, ບໍ່ໄດ້ມີການປະເຊີນໜ້າ ແລະ ບໍ່ມີບັນຫາຮ້າຍແຮງໃດເກີດຂຶ້ນ, ເພາະທັງສອງຝ່າຍຕ່າງກໍ່ມີຄວາມມຸ່ງໝັ້ນທີ່ຈະແກ້ໄຂບັນຫາຢ່າງສັນຕິ ແລະ ກຳລັງເຈລະຈາຫາທາງອອກ ພ້ອມທັງລະບຸວ່າ: ບັນຫາດັ່ງກ່າວຈະໄດ້ຮັບການແກ້ໄຂໃນໄວໆນີ້.

ໃນດ້ານຂອງທ່ານ ພົນໂທ ເໝົາ ພະລາ ໂຄສົກກອງທັບກຳປູເຈຍ ກໍ່ໄດ້ໃຫ້ສຳພາດກັບວິທະຍຸກະຈາຍສຽງແຫ່ງຊາດກຳປູເຈຍໃນວັນດຽວກັນວ່າ: ບັນຫາຊາຍແດນລາວ-ກຳປູເຈຍ ບໍ່ໄດ້ເປັນໄປຕາມທີ່ສື່ບາງແຫ່ງລາຍງານ ເພາະຂະນະນີ້ ທັງກຳປູເຈຍ ແລະ ລາວຍັງຄົງຍຶດໝັ້ນຕາມແນວທາງສັນຕິ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube