ສົມເດັດ ຮຸນ ເຊນ ໂທຫາທ່ານ ທອງລຸນ ສີສຸລິດ ຕົກລົງຖອນທະຫານອອກຈາກຊາຍແດນ

ລາຍງານ 25 ສິງຫາ 2019: ສົມເດັດ ຮຸນ ເຊນ ນາຍົກລັດຖະມົນຕີກຳປູເຈຍ ກ່າວວ່າຕົນໄດ້ມີການສົນທະນາທາງໂທລະສັບກັບທ່ານ ທອງລຸນ ສີສຸລິດ ນາຍົກລັດຖະມົນຕີຂອງລາວ ເມື່ອຕອນເຊົ້າວັນເສົາ (24 ສິງຫາ) ທີ່ຜ່ານມາ, ເພື່ອຕົກລົງຖອນທະຫານຂອງທັງສອງຝ່າຍອອກຈາກພື້ນທີ່ຊາຍແດນທີ່ຍັງຕົກລົງກັນບໍ່ໄດ້.

ໂດຍສົມເດັດ ຮຸນ ເຊນ ກ່າວວ່າ: ຈົນມາເຖິງຂະນະນີ້ແມ່ນບໍ່ມີຄວາມເຄັ່ງຕຶງໃດໆ ແລະ ທະຫານຂອງທັງສອງປະເທດພວກເຮົາຢູ່ດ້ວຍກັນກິນດ້ວຍກັນ, ດັ່ງນັ້ນ ປະຊາຊົນທັງສອງປະເທດຈົ່ງຢ່າໄດ້ແຕກຕື່ນ.

ສົມເດັດ ຮຸນ ເຊນ ລະບຸອີກວ່າ: ການສົນທະນາເປັນໄປດ້ວຍດີ ແລະ ໜ້າເພິ່ງພໍໃຈ ໂດຍທັງສອງປະເທດຕົກລົງທີ່ຈະຖອນທະຫານອອກຈາກພື້ນທີ່ຊາຍແດນທີ່ຍັງຕົກລົງປັກຫຼັກໝາຍບໍ່ໄດ້, ພ້ອມກ່າວອີກວ່າ ທ່ານ ທອງລຸນ ສີສຸລິດ ຈະເດີນທາງຢ້ຽມຢາມກຳປູເຈຍ ໃນກາງເດືອນກັນຍານີ້ ເພື່ອປຶກສາຫາລືບັນຫາຊາຍແດນທີ່ເປັນຂໍ້ຄົງຄ້າງຂອງທັງສອງປະເທດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube