ສປ.ຈີນ ເຕືອນກຸ່ມຜູ້ປະທ້ວງໃນຮົງກົງ ຫາກລ້ຳເສັ້ນເມື່ອໃດ ຈະຕ້ອງພົບກັບຈຸດຈົບ

ລາຍງານ 2 ກັນຍາ 2019: ບົດບັນນາທິການໂດຍສຳນັກຂ່າວຊິນຫົວຂອງທາງການຈີນ ທີ່ລົງເຜີຍແຜ່ເມື່ອວັນອາທິດ ທີ່ຜ່ານມາ ມີເນື້ອໃນສຳຄັນຄືການປະນາມສະຖານະການການປະທ້ວງໃນຮົງກົງ ທີ່ທະວີຄວາມຮຸນແຮງຂຶ້ນຢ່າງຊັດເຈນ ພ້ອມທັງກ່າວຢ້ຳການສະໜັບສະໜູນຂອງ ສປ.ຈີນ ທີ່ມີຕໍ່ຄະນະຜູ້ບໍລິຫານຮົງກົງພາຍໃຕ້ການນຳຂອງທ່ານ ນາງ ແຄຣີ ແລມ ແລະ ການປະຕິບັດໜ້າທີ່ຂອງຕຳຫຼວດຮົງກົງທີ່ເປັນໄປດ້ວຍຄວາມມຸ່ງໝັ້ນ ແລະ ເດັດດ່ຽວ.

ເຖິງຢ່າງໃດກໍ່ຕາມ ບົດຄວາມຂອງຊິນຫົວດັ່ງກ່າວ ແຕກຕ່າງຈາກຫຼາຍບົດທີ່ຜ່ານມາ ຄືມີການກຳນົດກົດເຫຼັກ 3 ຂໍ້ສຳຄັນ ພ້ອມຄຳເຕືອນວ່າຫາກຝ່າຍຕໍ່ຕ້ານລັດຖະບານຮົງກົງລ່ວງລ້ຳຂໍ້ບັງຄັບທັງ 3 ຂໍ້ດັ່ງກ່າວເມື່ອໃດ ຈະຕ້ອງພົບກັບຈຸດຈົບ ທີ່ຍັງບໍ່ມີການລະບຸຊັດເຈນວ່າແມ່ນຫຍັງ? ສ່ວນເສັ້ນຕາຍທັງ 3 ຂໍ້ໄດ້ແກ່ ບຸກຄົນໃດກໍ່ຕາມບໍ່ຄວນເປັນໄພ ຫຼື ສັ່ນຄອນອະທິປະໄຕ ແລະ ຄວາມໝັ້ນຄົງຂອງ ສປ.ຈີນ, ບຸກຄົນໃດກໍ່ຕາມບໍ່ຄວນທ້າທາຍອຳນາດຂອງ ສປ.ຈີນ ແລະ ກົດໝາຍພື້ນຖານຂອງຮົງກົງ; ແລະ ບຸກຄົນໃດກໍ່ຕາມບໍ່ຄວນໃຊ້ຮົງກົງເປັນຖານປະຕິບັດການແຊກແຊງ ເພື່ອທຳລາຍສະຖຽນລະພາບຂອງ ສປ.ຈີນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube