ເປີດສາກຂຶ້ນແລ້ວ ການຊ້ອມຮົບທາງທະເລຄັ້ງທຳອິດ ລະຫວ່າງອາຊຽນ-ສ.ອາເມຣິກາ

ເມື່ອວັນທີ 2 ກັນຍາ 2019 ທີ່ຜ່ານມາ ຢູ່ຖານທີ່ໝັ້ນກອງທັບເຮືອສັດຕະຫີບ ປະເທດໄທ ໄດ້ມີພິທີເປີດການຊ້ອມຮົບທາງທະເລຮ່ວມຄັ້ງທຳອິດ ລະຫວ່າງກອງທັບເຮືອ ສ.ອາເມຣິກາ ແລະ ກອງທັບເຮືອປະເທດສະມາຊິກອາຊຽນ (AUMX) ພາຍໃຕ້ການເປັນປະທານຂອງທ່ານພົນເຮືອໂທ ຈະເລີນພົນ ຄຸ້ມຣາສີ ເສນາທິການ ກອງເຮືອຍຸດທະສາດ ແຫ່ງກອງທັບເຮືອລາຊະອານາຈັກໄທ ແລະ ທ່ານ ພົນເຮືອຕີ ເຄັນເນັດ ໄວເຊວ ຮອງຜູ້ບັນຊາການກອງທັບເຮືອ ສ.ອາເມຣິກາ ປະຈຳພາກພື້ນປາຊີຟິກ.

ການຊ້ອມຮົບທາງທະເລລະຫວ່າງອາຊຽນ-ສ.ອາເມຣິກາ ຈະໄດ້ດຳເນີນໄປໃນລະຫວ່າງວັນທີ 2-6 ກັນຍາ ຢູ່ເຂດທະເລອ່າວໄທ ແລະ ຢູ່ເຂດທະເລແຫຼມກ່າເໝົາ ຫວຽດນາມ, ດ້ວຍຫົວຂໍ້: “ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ແລະ ກຳລັງຄວາມສາມາດໃນການສູ້ຮົບທາງທະເລແບບປະສົມ” ເພື່ອແນ່ໃສ່ຊຸກຍູ້ຄວາມໝັ້ນຄົງ, ຄວາມປອດໄພໃນການເດີນເຮືອ, ຄວາມເສລີການເດີນເຮືອ, ການບິນ ແລະ ບັນດາການເຄື່ອນໄຫວການຄ້າທີ່ບໍ່ຖືກສະກັດກັ້ນຕາມຫຼັກການທີ່ສາກົນໄດ້ຮັບຮອງເອົາ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube