ປ.ທຣຳ ປົດທີ່ປຶກສາທາງດ້ານຄວາມໝັ້ນຄົງແຫ່ງຊາດ

ເມື່ອວັນທີ 10 ກັນຍາ 2019 ທີ່ຜ່ານມາ, ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ລົງຂໍ້ຄວາມຜ່ານ Twitter ວ່າໄດ້ຂໍໃຫ້ທ່ານ ຈອນ ໂບຕັ້ນ ລາອອກຈາກຕຳແໜ່ງທີ່ປຶກສາດ້ານຄວາມໝັ້ນຄົງແຫ່ງຊາດ, ເຊິ່ງທ່ານ ຈອນ ໂບຕັ້ນ ກໍ່ໄດ້ຍື່ນໜັງສືລາອອກກັບຕົນແລ້ວເມື່ອຕອນເຊົ້າວັນອັງຄານ ທີ່ຜ່ານມາ.

ໂດຍທ່ານ ຈອນ ໂບຕັ້ນ ມີກຳນົດຈະຮ່ວມຖະແຫຼງຂ່າວທີ່ທຳນຽບຂາວໃນວັນດຽວກັນນີ້ ແຕ່ກໍ່ປະຕິເສດວ່າບໍ່ໄດ້ຖືກໄລ່ອອກ ພຽງແຕ່ຕົນໄດ້ຂໍລາອອກເອງ.

ຂ່າວການລາອອກຂອງທ່ານ ຈອນ ໂບຕັ້ນ ເກີດຂຶ້ນພາຍຫຼັງບໍ່ພໍເທົ່າໃດວັນກ່ອນໜ້ານີ້ມີຄວາມວຸ້ນວາຍເກີດຂຶ້ນ ເນື່ອງຈາກທ່ານ ໂດໂນ ທຣຳ ໄດ້ສັ່ງຍົກເລີກການເຈລະຈາກັບກຸ່ມຫົວຮຸນແຮງຕາລີບັນ ໃນອາຟະການິດສະຖານ ອັນໄດ້ສ້າງຄວາມຕົກຕະລຶງໄປທົ່ວ.

ທ່ານ ຈອນ ໂບຕັ້ນ ຂຶ້ນຊື່ວ່າເປັນນັກການເມືອງສາຍແຂງ ແລະ ເປັນຕົ້ນຕໍຂອງຄວາມຂັດແຍ່ງທີ່ກ່ຽວຂ້ອງໂດຍກົງກັບການທີ່ ສ.ອາເມຣິກາ ບຸກໂຈມຕີອິຣັກ ແລະ ຍັງມີການຕັດສິນໃຈດ້ານນະໂຍບາຍຕ່າງປະເທດໃນທາງທີ່ແຂງກະດ້າງ ແລະ ເດັດຂາດ, ນອກຈາກກນັ້ນຍັງເປັນໜຶ່ງໃນຜູ້ຊຸກດັນນະໂຍບາຍອັນແຂງກະດ້າງຂອງ ສ.ອາເມຣິກາ ທັງຕໍ່ອີຣານ, ເວເນຊູເອລາ ແລະ ບັນຫາຄວາມຂັດແຍ່ງອື່ນໆ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube