ລັດເຊຍຈະອອກພັນທະບັດ ສະກຸນເງິນຢວນ, ເພື່ອຫຼຸດຜ່ອນການເພິ່ງພາເງິນໂດລາ

ສຳນັກຂ່າວ RT ຂອງລັດເຊຍລາຍງານ 11​ ກັນຍາ 2019 ວ່າ: ລັດເຊຍ ແລະ ຈີນ ກຳລັງຫາຊ່ອງທາງໃນການຫຼຸດຜ່ອນການເພິ່ງພາເງິນໂດລາສະຫະລັດ ໂດຍລັດເຊຍມີແຜນທີ່ຈະອອກພັນທະບັດສະກຸນເງິນຢວນ ເປັນຄັ້ງທຳອິດ.

ເຊິ່ງຄາດວ່າພັນທະບັດຈະອອກພາຍໃນທ້າຍປີນີ້ ຫຼື ຕົ້ນປີໜ້າ ແລະ ຖືເປັນຄັ້ງທຳອິດທີ່ລັດເຊຍອອກກາສານໜີ້ ໃນສະກຸນເງິນຕາຂອງຈີນ ນັ້ນກໍ່ຄືເງິນຢວນ, ໂດຍແຜນການດັ່ງກ່າວທັງສອງປະເທດໄດ້ວາງໄວ້ຕັ້ງແຕ່ປີ 2016 ແຕ່ຖືກເລື່ອນອອກໄປຫຼາຍຄັ້ງ.

ເຖິງແມ່ນວ່າຈະມີນັກລົງທຶນຈາກຕ່າງປະເທດສົນໃຈລົງທຶນໃນກາສານໜີ້ຂອງລັດຖະບານລັດເຊຍເປັນຈຳນວນຫຼາຍ ແຕ່ການອອກພັນທະບັດໃນສະກຸນເງິນຢວນ ຈະເຮັດໃຫ້ສາມາດດຶງດູດນັກລົງທຶນຈາກ ສປ.ຈີນ ໄດ້ເພີ່ມຂຶ້ນ, ເພາະນັກລົງທຶນຈີນບໍ່ຄ່ອຍສົນໃຈພັນທະບັດທີ່ເປັນສະກຸນເງິນຣູບຂອງລັດເຊຍ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube