ສປ.ຈີນ ລະງັບການຂຶ້ນພາສິນຄ້າ ສ.ອາເມຣິກາ ບາງລາຍການ, ສ.ອາເມຣິກາ ເລື່ອນຂຶ້ນພາສີສິນຄ້າຈີນ

ລາຍງານ 12 ກັນຍາ 2019: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວເມື່ອວັນພຸດ ທີ່ຜ່ານມາ ວ່າຕົນໄດ້ຕັດສິນໃຈເລື່ອນກຳນົດການຂຶ້ນພາສີສິນຄ້ານຳເຂົ້າຈາກຈີນ ມູນຄ່າ 250,000 ລ້ານໂດລາສະຫະລັດ ຈາກອັດຕາພາສີເດີມ 25% ເປັນ 30% ທີ່ມີກຳນົດໃນວັນທີ 1 ຕຸລານີ້ ອອກໄປອີກ 2 ອາທິດ ຄືເປັນວັນທີ 15 ຕຸລານີ້ ເພື່ອເປັນສັນຍາແຫ່ງມິດໄມຕີ ຕາມການຂໍສະເໜີຂອງທ່ານ ຫຼິວ ເຮີ ຮອງນາຍົກລັດຖະມົນຕີຈີນ ແລະ ທີ່ປຶກສາດ້ານເສດຖະກິດຂອງທ່ານ ສີ ຈິ້ນຜິງ ປະທານປະເທດຈີນ ວ່າວັນທີ 1 ຕຸລາ ເປັນວັນຊາດຈີນ ແລະ ປີນີ້ມີວາລະຄົບຮອບ 70 ປີແຫ່ງການສະຖາປະນາສາທາລະນະລັດ ປະຊາຊົນຈີນ.

ການເຄື່ອນໄຫວດັ່ງກ່າວຂອງທ່ານ ໂດໂນ ທຣຳ ເກີດຂຶ້ນພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ກະຊວງການຄ້າຂອງຈີນ ປະກາດລະງັບການຕັ້ງກຳແພງສາສີ ຕໍ່ສິນຄ້າເຂົ້ານຳຈາກ ສ.ອາເມຣິກາ ບາງລາຍການ ທີ່ຕ້ອງຈ່າຍພາສີເພີ່ມຂຶ້ນ 5% ແລະ ເລື່ອນກຳນົດການຈາກວັນທີ 1 ກັນຍາ ເປັນວັນທີ 17 ກັນຍານີ້, ເຖິງຢ່າງໃດກໍ່ຕາມ ສິນຄ້າທີ່ ສປ.ຈີນ ຍົກເວັ້ນໃຫ້ແກ່ ສ.ອາເມຣິກາບໍ່ມີລາຍຊື່ສິນຄ້າກະສິກຳເຊັ່ນ: ຖົ່ວເຫຼືອງ, ເຂົ້າສາລີ, ເຂົ້າເຟືອງ ແລະ ຊີ້ນສັດແຊ່ແຂງອີກຫຼາຍຊະນິດ ແຕ່ສິນຄ້າປະມົງ ແລະ ຢາປົວມະເຮັງບາງຊະນິດໄດ້ຮັບການງົດເວັ້ນຂຶ້ນພາສີຊົ່ວຄາວຈາກຈີນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube