ການປະທ້ວງໃນຮົງກົງຍັງດຸເດືອດ ໂດຍມີການຈູດທຸງ ແລະ ປ້າຍສະຫຼອງວັນຊາດຈີນ

ລາຍງານ 16 ກັນຍາ 2019: ບັນຍາກາດການປະທ້ວງຂອງຝ່າຍຕໍ່ຕ້ານລັດຖະບານຮົງກົງ ເມື່ອວັນອາທິດ ທີ່ຜ່ານມາ ເຊິ່ງຖືເປັນອາທິດທີ 15 ແລ້ວຂອງການປະທ້ວງ, ໂດຍສະຖານະການເລີ່ມຕົ້ນຈາກການໂຮມຊຸມນຸມຮຽກຮ້ອງຂໍຄວາມຊ່ວຍເຫຼືອ ໜ້າສະຖານກົງສຸນໃຫຍ່ອັງກິດ ຫຼັງຈາກນັ້ນຈຳນວນຜູ້ປະທ້ວງກໍ່ເພີ່ມຂຶ້ນຢ່າງຕໍ່ເນື່ອງ ໂດຍມີການຕັ້ງສິ່ງກີດຂວາງ ແລະ ພະຍາຍາມບຸກເຂົ້າອາຄານສຳນັກງານຄະນະຜູ້ບໍລິຫານຮົງກົງ ສົ່ງຜົນໃຫ້ຕຳຫຼວດປາບຈະລາຈົນຍິ່ງແກັດນ້ຳຕາ ພ້ອມທັງປືນລູກຢາງ ແລະ ໃຊ້ລົດສີດນ້ຳແຮງດັນສູງລະດົມສີດນ້ຳປະສົມສີຟ້າ ແລະ ພິກໄທເພື່ອສະຫຼາຍການປະທ້ວງ.

ໃນດ້ານຂອງກຸ່ມຜູ້ປະທ້ວງຫົວຮຸນແຮງໄດ້ດຶກແກວ່າງກ່ອນຫິນ-ດິນຈີ່ ແລະ ລະເບີດໄຟເຂົ້າໃສ່ເຈົ້າໜ້າທີ່ ພ້ອມທັງຈູດໄຟເຜົາປະຕູທາງເຂົ້າ-ອອກສະຖານີລົດໄຟໃຕ້ດິນຄອສເວເບ.

ນອກຈາກນີ້ ຍັງມີລາຍງານວ່າກຸ່ມປະທ້ວງໄດ້ຈູດທຸງຊາດຈີນ ແລະ ປ້າຍການສະເຫຼີມສະຫຼອງວັນຊາດຈີນ ທີ 1 ຕຸລາ ເຊິ່ງປີນີ້ເປັນປີຄົບຮອບ 70 ປີ ຂອງການສະຖາປະນາສາທາລະນະລັດ ປະຊາຊົນຈີນອີກດ້ວຍ, ແຕ່ມີການໂບກທຸງຊາດສະຫະລັດ ອາເມຣິກາ ແລະ ອັງກິດ ພ້ອມປ້າຍຮຽກຮ້ອງໃຫ້ສະພາ ສ.ອາເມຣິກາ ເລັ່ງຜ່ານຮ່າງກົດໝາຍ ປົກປ້ອງສິດທິມະນຸດ ແລະ ປະຊາທິປະໄຕຮົງກົງ, ເຖິງຢ່າງໃດກໍ່ຕາມ ລັດຖະບານຈີນຍັງບໍ່ສະແດງທ່າທີຕໍ່ສະຖານະການຮຸນແຮງຄັ້ງນີ້.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube