ການໂຈມຕີໂຮງກັ່ນນ້ຳມັນຊາອູດິດ ເຮັດໃຫ້ລາຄານ້ຳມັນຕະຫຼາດໂລກເພີ່ມຂຶ້ນ 15%

ລາຍງານ 16 ກັນຍາ 2019: ສັນຍາຊື້-ຂາຍນ້ຳມັນດິບເບຣນທະເລເໜືອລອນດອນ ງວດສົ່ງມອບເດືອນພະຈິກ ເປີດຕະຫຼາດເມື່ອວັນອາທິດ ທີ່ຜ່ານມາດ້ວຍລາຄາ 71.95 ໂດລາສະຫະລັດຕໍ່ບາເຣວ ເພີ່ມຂຶ້ນ 19% ຈາກລາຄາເມື່ອວັນສຸກ ທີ່ຜ່ານມາ, ຂະນະທີ່ສັນຍາຊື້-ຂາຍນ້ຳມັນດິບເວສເທັກຊັສອິນເຕີມີດຽດ (West Texas Intermediate: WTI) ງວດສົ່ງມອບເດືອນພະຈິກ ເປີດຕະຫຼາດທີ່ລາຄາ 63.34 ໂດລາສະຫະລັດ ເພີ່ມຂຶ້ນ 15% ຈາກລາຄາເມື່ອວັນສຸກທີ່ຜ່ານມາ.

ເຖິງຢ່າງໃດກໍ່ຕາມ, ລາຄານ້ຳມັນດິບໃນຕະຫຼາດທັງສອງແຫ່ງປັບຕົວຫຼຸດລົງເລັກໜ້ອຍ ພາຍຫຼັງທີ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວວ່າຕົນໄດ້ໃຊ້ອຳນາດພິເສດຝ່າຍບໍລິຫານ ສັ່ງໃຫ້ກະຊວງພະລັງງານປະສານກັບອົງການພະລັງງານລະຫວ່າງປະເທດ (IEA) ທີ່ມີສຳນັກງານໃຫຍ່ຢູ່ນະຄອນຫຼວງປາຣີສ ປະເທດຝຣັ່ງ ແລະ ບັນດາປະເທດຜູ້ຜະລິດ ແລະ ສົ່ງອອກນ້ຳມັນດິບຫຼາຍໃຫຍ່ຂອງໂລກ ເຊິ່ງສ່ວນໃຫຍ່ເປັນສະມາຊິກຂອງກົງການກຸ່ມປະເທດຜູ້ສົ່ງອອກນ້ຳມັນ (OPEC) ໃນການທີ່ລັດຖະບານ ສ.ອາເມຣິກາ ພ້ອມປ່ອຍນ້ຳມັນດິບບາງສ່ວນຈາກຄັງສຳຮອງທາງຍຸດທະສາດ ເພື່ອບໍ່ໃຫ້ກົນໄກຕະຫຼາດນ້ຳມັນດິບໂລກຕ້ອງສະດຸດ ຈາກເຫດການຝູງໂດຣນໂຈມຕີໂຮງກັ່ນນ້ຳມັນ 2 ແຫ່ງຂອງບໍລິສັດຊາອູດິອາຣາມໂກ ລັດວິສາຫະກິດດ້ານພະລັງງານລາຍໃຫຍ່ທີ່ສຸດຂອງອາຣັບບີ ຊາອູດິດ ໃນພາກຕາເວັນອອກຂອງປະເທດ ເມື່ອວັນເສົາ ທີ່ຜ່ານມາ ສົ່ງຜົນໃຫ້ຊາອູດິອາຣາມໂກ ຕ້ອງຫຼຸດກຳລັງການຜະລິດ ເຊິ່ງຈະມີຜົນກະທົບຕໍ່ອຸປະສົງໃນຕະຫຼາດໂລກປະມານ 5%.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube