EU-ຍີ່ປຸ່ນ ລົງນາມໂຄງການເຊື່ອມຈອດສອງທະວີບ, ຄູ່ຂະໜານໜຶ່ງແລວ ໜຶ່ງເສັ້ນທາງຂອງຈີນ

ລາຍງານ 28 ກັນຍາ 2019, ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ແລະ ທ່ານ ຊັອງ-ໂຄລດ ຢຸງເກີ (Jean-Claude Juncker) ປະທານຄະນະກຳມາທິການເອີຣົບ (EC) ລົງນາມຮ່ວມກັນໃນຂໍ້ຕົກລົງ ວ່າດ້ວຍການພັດທະນາໂຄງສ້າງພື້ນຖານເຊື່ອມຈອດລະຫວ່າງອີຣົບ ກັບ ອາຊີ ໂດຍພິທີລົງນາມຈັດຂຶ້ນທີ່ສຳນັກງານໃຫຍ່ສະຫະພາບເອີຣົບ (EU) ທີ່ນະຄອນຫຼວງບຣັສເຊວ ປະເທດແບນຊິກ ເມື່ອວັນສຸກ 27 ກັນຍາ ທີ່ຜ່ານມາ, ໂດຍທ່ານ ຊັອງ-ໂຄລດ ຢຸງເກີ ໃຫ້ຂໍ້ມູນເບື້ອງຕົ້ນວ່າ ງົບປະມານເບື້ອງຕົ້ນສຳລັບ “ແຜ່ນເຊື່ອມຈອດ” ລະຫວ່າງສອງທະວີບນັ້ນ EU ຮັບຜິດຊອບປະມານ 60,000 ລ້ານເອີໂຣ ທີ່ມາຈາກກອງທຶນການພັດທະນາຫຼາຍສ່ວນຂອງ EU, ທະນາຄານດ້ານການພັດທະນາຂອງເອີຣົບ ແລະ ພາກເອກະຊົນທີ່ໃຫ້ການສະໜັບສະໜູນ, ຂະນະທີ່ລັດຖະບານຍີ່ປຸ່ນຈະຈັດສັນງົບປະມານສ່ວນທີ່ເຫຼືອ ເຊິ່ງຍັງບໍ່ມີການເປີດເຜີຍ.

ຂະນະດຽວກັນ, ທ່ານປະທານ EC ກ່າວອີກວ່າ ໂຄງການເຊື່ອມຕໍ່ລະບົບໂຄງສ້າງພື້ນຖານເປັນການເຊື່ອມຈອດລະຫວ່າງປະເທດຢ່າງແທ້ຈິງ ເປັນມິດກັບສິ່ງແວດລ້ອມ ແລະ ຈະບໍ່ເປັນບໍ່ເກີດຂອງ “ພູກອງໜີ້” ອີກດ້ວຍ, ໃນດ້ານຂອງທ່ານ ຊິນໂຊ ອາເບະ ກ່າວວ່າການຮ່ວມມືດັ່ງກ່າວກັບ EU ເປັນໄປຕາມກົນເກນລະຫວ່າງປະເທດທີ່ຍືນຍົງ ແລະ ມີປະສິດທິພາບ, ຂະນະທີ່ນັກວິເຄາະວ່າການຮ່ວມມືລະຫວ່າງ EU ກັບ ຍີ່ປຸ່ນໃນຄັ້ງນີ້ ເປັນການສົ່ງສັນຍານຢ່າງມີຄວາມໝາຍຄວາມສຳຄັນ ເຖິງການເປັນທາງເລືອກໃຫ້ກັບປະເທດຕ່າງໆ ຈາກແຜນຍຸດທະສາດ “ໜຶ່ງແລວ ໜຶ່ງເສັ້ນທາງ” ຫຼື ເສັ້ນທາງສາຍໄໝແຫ່ງສະຕະວັດທີ 21 ຂອງຈີນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube