ດ່ວນ…!​ ຕຳຫຼວດຮົງກົງໃຊ້ລູກປືນຈິງ ຕອບໂຕ້ກຸ່ມຜູ້ປະທ້ວງຫົວຮຸນແຮງແລ້ວ

ລາຍງານ 1 ຕຸລາ 2019, ຕຳຫຼວດປາບຈະລາຈົນຂອງຮົງກົງ ແລະ ກຸ່ມຜູ້ປະທ້ວງຫົວຮຸນແຮງ ເຊິ່ງສ່ວນໃຫຍ່ແຕ່ງກາຍດ້ວຍຊຸດສີດຳ ແລະ ໃຊ້ຄັນຮົ່ມສີດຳເປັນສັນຍາລັກຂອງ “ວັນແຫ່ງຄວາມເຈັບປວດ” ທີ່ເປັນການສື່ເຖິງວັນຊາດຂອງ ສປ.ຈີນ 1 ຕຸລາ ຂອງທຸກໆປີ ໂດຍພື້ນທີ່ປະທະສ່ວນໃຫຍ່ຍັງເປັນເຂດໃຈກາງເມືອງ ແລະ ເຂດການຄ້າ ລວມເຖິງສຳນັກງານປະສານງານສູນກາງເຂດບໍລິຫານພິເສດຮົງກົງ ເຊິ່ງເປັນໜ່ວຍງານຫຼັກຂອງ ສປ.ຈີນ ໃນຮົງກົງ, ໂດຍເຈົ້າໜ້າທີ່ໄດ້ຍິງແກັດນ້ຳຕາ ແລະ ປືນລູກຢາງສະກັດກຸ່ມຜູ້ປະທ້ວງທີ່ດຶກແກວ່ງລະເບີດໄຟ, ຍິງຢາກກະຖຸນ ແລະ ແກວ່ງວັດຖຸຕ່າງໆໃຫ້ເຈົ້າໜ້າທີ່ ລວມເຖິງອາວຸດໃໝ່ ຄືຂອງແຫຼວທີ່ມີສິດເປັນກົດ ກັດທຳລາຍຊຸດ ແລະ ຜິວໜັງຂອງເຈົ້າໜ້າທີ່ ແລະ ເຈົ້າໜ້າທີ່ໄດ້ອອກຖະແຫຼງການປະນາມການກະທຳດັ່ງກ່າວແລ້ວ.

ເຖິງຢ່າງໃດກໍ່ຕາມ, ໄດ້ເກີດເຫດຮຸນແຮງບໍລິເວນສີ່ແຍກລະຫວ່າງຖະໝົນວໍເທີລູ ກັບ ຖະໜົນນາທານ ເມື່ອມີກຸ່ມຜູ້ປະທ້ວງຫົວຮຸນແຮງຈຳນວນໜຶ່ງບຸກເຂົ້າຈູ່ໂຈມລົດຕູ້ຂອງຕຳຫຼວດ ແລ້ວພະຍາຍາມທຸກທຳລາຍຍານພາຫະນະ ສົ່ງຜົນໃຫ້ເຈົ້າໜ້າທີ່ຕັດສິນໃຈໃຊ້ລູກປືນຈິງ, ເຊິ່ງລາຍງານລະບຸວ່າ ມີການຍິງເຕືອນຂຶ້ນຟ້າກ່ອນ ແຕ່ຫຼັງຈາກນັ້ນເກີດເຫດຊຸນລະມຸນ ແລະ ມີຜູ້ຊຸມນຸມຄົນໜຶ່ງຖືກຍິ່ງເຂົ້າບໍລິເວນໜ້າເອິກໃກ້ກັບປອດ ແລະ ອາກາດຕອນນີ້ຢູ່ໃນພາວະວິກິດ, ນອກຈາກນີ້ ມີລາຍງານເຈົ້າໜ້າທີ່ຫຼາຍສິບຄົນໄດ້ຮັບບາດເຈັບຈາກການປະທະຢູ່ບໍລິເວນນີ້ດ້ວຍ, ຂະນະທີ່ກຸ່ມຜູ້ປະທ້ວງໃຊ້ຍຸດທະສາດແບບດາວກະຈາຍ ໂດຍບາງສ່ວນໄປປັກຫຼັກຢູ່ໜ້າສຳນັກງານໃຫຍ່ຕຳຫຼວດຮົງກົງ ເຊິ່ງຢູ່ໃນເຂດຫວ່ານໄຈ໋.

ໃນດ້ານຂອງທ່ານ ແມັດທິວ ເສິງ ຫົວໜ້າຄະນະເຈົ້າໜ້າທີ່ປະຈຳສຳນັກງານຜູ້ບໍລິຫານຮົງກົງ ທີ່ປະຕິບັດໜ້າທີ່ແທນທ່ານ ນາງ ແຄຣີ ແລມ ຫົວໜ້າຄະນະຜູ້ບໍລິຫານ ທີ່ເດີນທາງໄປຮ່ວມພິທີສະເຫຼີມສະຫຼອງວັນຊາດຈີນ ທີ່ນະຄອນຫຼວງປັກກິ່ງ ໃນການເປັນປະທານໃນພິທີເຊີນທຸງຊາດຈີນຄູ່ກັບທຸງຮົງກົງ ແລະ ກ່າວຊົມເຊີຍການພັດທະນາຂອງ ສປ.ຈີນ ໃນທຸກດ້ານຕະຫຼອດໄລຍະ 70 ທີ່ຜ່ານມາ, ໂດຍກ່າວຢ້ຳວ່າໃນສ່ວນຂອງຮົງກົງນັ້ນ ເຈົ້າໜ້າທີ່ທຸກພາກສ່ວນຍັງຄົງມຸ່ງໝັ້ນໃນການຫາແນວທາງຫຼຸດຜ່ອນບັນຫາທີ່ຝັງຮາກເລິກ ຈົນສ້າງຄວາມແຕກແຍກຢ່າງຮຸນແຮງໃຫ້ກັບສັງຄົມຮົງກົງ ນ້ນຄືບັນຫາດ້ານລາຄາອະສັງຫາລິມະຊັບ.

ເຊິ່ງຍັງບໍ່ມີໜ່ວຍງານໃດຂອງ ສປ.ຈີນ ສະແດງທ່າທີຕໍ່ການປະທ້ວງທີ່ຮົງກົງໃນວັນຊາດ ເຊິ່ງເກີດຂຶ້ນຕາມຄວາມຄາດໝາຍ ເຖິງແມ່ນວ່າຈະມີຄຳສັ່ງຫ້າມ, ຍົກເວັ້ນກອງກຳລັງຕຳຫຼວດຕິດອາວຸດປະຊາຊົນຈີນ ເຊິ່ງເປັນຕຳຫຼວດປາບຈະລາຈົນຂອງ ສປ.ຈີນ ທີ່ຍັງປັກຫຼັກຢູ່ບໍລິເວນສະໜາມກິລີກາງ ໃນເຊິນເຈິ້ນ ທີ່ມີຊາຍແດນຕິດກັບກົງຮົງ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube