ກົດໝາຍຕ້ານຂ່າວປອມ ຂອງສິງກະໂປມີຜົນບັງຄັບໃຊ້, ໄດ້ກຳນົດໂທດ ແລະ ການປັບໃໝໄວ້ສູງ

ລາຍງານ ເມື່ອວັນທີ 2 ກັນຍາ 2019 ທີ່ຜ່ານມາ, ກົດໝາຍປ້ອງກັນສິ່ງທີ່ບໍ່ມີມູນຄວາມຈິງ ແລະ ບິນເບືອນທາງອອນລາຍ (Protection from Online Falsehoods and Manipulation Bill) ຂອງສິງກະໂປ ມີຜົນບັງຄັບໃຊ້ຢ່າງເປັນທາງການ, ມີເນື້ອໃນຫ້າມບໍ່ໃຫ້ເຜີຍແຜ່ຂໍ້ມູນຂ່າວສານທີ່ກະທົບກັບຄວາມໝັ້ນຄົງຂອງປະເທດ, ຄວາມປອດໄພ ແລະ ຄວາມສະຫງົບຮຽບຮ້ອຍທາງສັງຄົມ ລວມເຖິງສິ່ງທີ່ສົ່ງຜົນກະທົບຕໍ່ສາຍພົວພັນອັນດີລະຫວ່າງສິງກະໂປ ກັບ ປະເທດຕ່າງໆ.

ກົດໝາຍດັ່ງກ່າວ ຍັງໃຫ້ອຳນາດແຕ່ລັດຖະມົນຕີ ໃນການສັ່ງໃຫ້ເວັບໄຊສື່ສັງຄົມອອນລາຍ ຂຶ້ນຄຳເຕືອນຫາກທາງການພົບວ່າເນື້ອໃນໃດເປັນຂ່າວປອມ ຫຼື ລົບຂ່າວນັ້ນອອກ.

ເຖິງຢ່າງໃດກໍ່ຕາມ, facebook, twitter ແລະ google ສື່ອອນລາຍຍັກໃຫຍ່ຂອງໂລກ ທີ່ມີສຳນັກງານໃຫຍ່ປະຈຳພາກພື້ນອາຊີ ຢູ່ສິງກະໂປ ຈະໄດ້ຮັບການຍົກເວັ້ນຊົ່ວຄາວ ຕາມບົດບັນຍັດໃນກົດໝາຍດັ່ງກ່າວ ເພື່ອໃຫ້ເວລາປັບຕົວໄລຍະໜຶ່ງ, ເຊິ່ງຫາກມີການເຜີຍແຜ່ຂ່າວປອມ ບໍລິສັດຈະຖືກປັບໃໝເປັນເງິນ 1 ລ້ານໂດລາສິງກະໂປ ຫຼື ປະມານ 725,000 ໂດລາສະຫະລັດ) ແລະ ຫາກເປັນບຸກຄົນກໍ່ຈະມີໂທດຕັດອິດສະຫຼະພາບ 10 ປີ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube