ຫວຽດນາມ-ລາວ ປະສານຈັບກຸມພວກຄ້າຢາຄົນລາວ ທີ່ຂົນຢາຂ້າມປະເທດ 2 ແສນກວ່າເມັດ

ລາຍງານ 6 ຕຸລາ 2019, ອີງຕາມການລາຍງານຂອງໜັງສືພິມປົກປ້ອງກົດໝາຍ (Bo v pháp lut) ຂອງໄອຍະສານສູງສຸດຫວຽດນາມໃຫ້ຮູ້ວ່າ: ເມື່ອວັນທີ 3 ຕຸລາ ທີ່ຜ່ານມາ ຢູ່ຊາຍແດນລາວ-ຫວຽດນາມ ແຂວງສະຫວັນນະເຂດ-ກວາງຈິ, ຄະນະກຳມະການສະກັດກັ້ນ ແລະ ຕ້ານຢາເສບຕິດແຂວງກວາງຈິ ຮ່ວມກັບພະແນກປ້ອງກັນຄວາມສະຫງົບ ແຂວງສະຫວັນນະເຂດ ໄດ້ຈັບກຸມບຸກຄົນທີ່ກຳລັງຂົນຢາເສບຕິດໄປຍັງປະເທດຫວຽດນາມ 2 ຄົນ.

ຈາກການກວດຄົ້ນຂອງເຈົ້າໜ້າທີ່ ພົບຢາບ້າ 215,000 ເມັດ, ລົດໃຫຍ່ 2 ຄັນ ປ້າຍທະບຽນ ກຄ 2934 ແລະ ກຂ 2897 ສະຫວັນນະເຂດ, ໂທລະສັບ 4 ໜ່ວຍ ແລະ ເອກະສານທີ່ກ່ຽວຂ້ອງຈຳນວນໜຶ່ງ.

ບຸກຄົນທັງ 2 ທີ່ຖືກກັກຕົວຄື: ທ້າວ ສີສະຫວັດຕິໄຊ ໄຊຍະສົມບັດ ຫຼື ໝູ ອາຍຸ 24 ປີ ຄົນບ້ານພະແລັງ, ເມືອງຈຳພອນ, ແຂວງສະຫວັນນະເຂດ ແລະ ທ້າວ ບັນພະຈິດ ແກ້ວິໄລວົງ ຫຼື ເປົ່າ, ອາຍຸ 24 ປີ ຄົນບ້ານຄຶມສະຫວ່າງ, ເມືອງສອງຄອນ, ແຂວງສະຫວັນນະເຂດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube