ແຜ່ນດິນໄຫວ 3.9 ຣິກເຕີ ທີ່ແຂວງຜົ້ງສາລີ, ຖືເປັນຄັ້ງທີ 4 ໃນຮອບໜຶ່ງເດືອນ

ລາຍງານ 6 ຕຸລາ 2019, ອີງຕາມການລາຍງານຂອງກົມອຸຕຸນິຍົມປະເທດໄທໃຫ້ຮູ້ວ່າ: ເມື່ອເວລາ 11:34 ໂມງ ໄດ້ເກີດແຜ່ນດິນໄຫວ ຄວາມຮຸນແຮງ 3.9 ຣິກເຕີ ໂດຍມີຈຸດສູນກາງເລິກລົງໄປ 9 ກິໂລແມັດ ໃກ້ກັບບ້ານແຊ້ວຈ້າຍ, ບ້ານພູຍອດ ເມືອງຜົ້ງສາລີ, ແຂວງຜົ້ງສາລີ (ເສັ້ນຂະໜານ 21°895’ ເສັ້ນແວງ 102°205’) ແລະ ຢູ່ບໍ່ໄກຈາກປ່າສະຫງວນແຫ່ງຊາດພູແດນດິນ ເຊິ່ງຖືເປັນຄັ້ງທີ 4 ໃນຮອບໜຶ່ງເດືອນທີ່ຜ່ານມາ ທີ່ເກີດແຜ່ນດິນໄຫວຢູ່ແຂວງຜົ້ງສາລີ.

ໂດຍກ່ອນໜ້ານີ້, ເມື່ອວັນທີ 5 ກັນຍາ ທີ່ຜ່ານມາ ກໍ່ໄດ້ເກີດແຜ່ນດິນໄຫວຂະໜາດ 3.2 ຣິກເຕີ ໂດຍມີຈຸດສູນກາງໃກ້ກັບບ້ານເລົ້າຟູ້ຈ້າ, ເມືອງຜົ້ງສາລີ, ວັນທີ 22​ ກັນຍາ ທີ່ຜ່ານມາ ແຜ່ນດິນໄຫວຂະໜາດ 4.4 ຣິກເຕີ ໂດຍມີຈຸດສູນກາງທີ່ບ້ານເຄີເໜືອ, ເມືອງຍອດອູ, ແລະ ໃນວັນທີ 24 ກັນຍາ ກໍ່ເກີດແຜ່ນດິນໄຫວຂະໜາດ 3.5 ຣິກເຕີ ໂດຍມີຈຸດສູນກາງທີ່ບ້ານມາລີເທີ, ເມືອງຍອດອູ, ແຂວງຜົ້ງສາລີ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube