ປະຊາຊົນສະກັອດແລນ ເດີນຂະບວນຮຽກຮ້ອງເອກະລາດຈາກອັງກິດ

ລາຍງານ 6 ຕຸລາ 2019, ກຸ່ມ All Under One Banner ຈັດຂະບວນໂຮມຊຸມນຸມຮຽກຮ້ອງໃຫ້ແຍກສະກັອດແລນ ເປັນເອກະລາດຈາກອັງກິດ ເມື່ອວັນເສົາ 5 ຕຸລາ ທີ່ຜ່ານມາ, ພ້ອມທັງຄາດຫວັງວ່າຈະມີປະຊາຊົນເຂົ້າຮ່ວມໂຮມຊຸມນຸມຮຽກຮ້ອງໃນຄັ້ງນີ້ປະມານ 100,000 ຄົນ.

ສະກັອດແລນ ເຄີຍລົງປະຊາມະຕິເອກະລາດ ແຍກຕົວຈາກອັງກິດ ເມື່ອວັນທີ 18 ກັນຍາ 2014 ຜົນປະກົດວ່າ ຝ່າຍບໍ່ເຫັນດີຊະນະ ດ້ວຍຈຳນວນສຽງ 2,001,926 ສຽງ ກວມເອົາ 55.3%, ສ່ວນຝ່າຍສະໜັບສະໜູນໃຫ້ແຍກຕົວມີ 1,617,989 ສຽງ ກວມເອົາ 44.7% ໂດຍມີບັດຕາຍ ແລະ ຜູ້ບໍ່ຕ້ອງການລົງມະຕິ 0.09%.

ການລົງປະຊາມະຕິແຍກຕົວອອກຈາກສະຫະພາບເອີຣົບຂອງອັງກິດ ເມື່ອປີ 2015 ເຊິ່ງປະຊາຊົນສ່ວນໃຫຍ່ສະໜັບສະໜູນ ໝາຍຄວາມວ່າຈຳເປັນຕ້ອງມີການລົງປະຊາມະຕິເອກະລາດ ຂອງປະຊາຊົນສະກັອດອີກຄັ້ງ ເນື່ອງຈາກສ່ວນໃຫຍ່ໃນສະກັອດແລນ ປະຊາຊົນ 62% ລົງມະຕິໃຫ້ອັງກິດຢູ່ກັບສະຫະພາບເອີຣົບ ຫຼື EU ຕໍ່ໄປ.

ໃນດ້ານຂອງທ່ານ ນິໂຄລາ ສະເຕີຈຽນ ລັດຖະມົນຕີຂອງສະກັອດແລນ ຫົວໜ້າພັກຊາດນິຍົມປະຊາຊົນສະກັອດ ທີ່ຕ້ອງການໃຫ້ມີການລົງປະຊາມະຕິເອກະລາດຄັ້ງທີ 2 ໃນປີ 2020 ບໍ່ໄດ້ເຂົ້າຮ່ວມການເດີນຂະບວນເມື່ອວັນເສົາ ທີ່ຜ່າມາ, ແຕ່ໄດ້ລົງຂໍ້ຄວາມໃນ Twitter ໃຫ້ກຳລັງໃຈ ພ້ອມກັບກ່າວວ່າ ການອອກຈາກ EU ຂອງອັງກິດ ຈະເຮັດໃຫ້ເສດຖະກິດສະກັອດແລນຕົກຕ່ຳ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube