ຈັບສອງໄວໜຸ່ມຄົນລາວ ຂົນຢາບ້າ 100,000 ເມັດ, ຄັ້ງໃຫຍ່ທີ່ສຸດເຂົ້າກວາງບິງ, ສສ.ຫວຽດນາມ

ລາຍງານ 10 ຕຸລາ 2019, ອີງຕາມການລາຍງານຂອງໜັງສືພິມປົກປ້ອງກົດໝາຍ ຂອງໄອຍະການສູງສຸດແຫ່ງ ສສ.ຫວຽດນາມ ໃຫ້ຮູ້ວ່າ: ເຈົ້າໜ້າທີ່ກອງກຳລັງສະກັດກັ້ນຢາເສບຕິດ ແລະ ອາຊະຍາກຳຊາຍແດນແຂວງກວາງບິງ ໄດ້ຈັບກຸ່ມຄົນລາວ 2 ຄົນຄື ທ້າວ ຈິມມີ້ ສຸລິຍະວົງສາ ອາຍຸ 19 ປີ ຄົນເມືອງທ່າແຂກ, ແຂວງຄຳມ່ວນ ແລະ ທ້າວ ເຈນ ທອງສັງ ອາຍຸ 17 ຄົນເມືອງເຊໂປນ, ແຂວງສະຫວັນນະເຂດ ໃນຕອນເຊົ້າວັນພະຫັດນີ້.

ຈາກການກວດຄົ້ນກະເປົ໋າເດີນທາງຂອງທັງສອງ ພົບຫໍ່ປລາສະຕິກສີເຫຼືອງເປັນຈຳນວນຫຼາຍ ພາຍໃນບັນຈຸຢາບ້າ 100,000 ເມັດ, ທັງສອງໃຫ້ການສາລະພາບວ່າ ຢາເສບຕິດຈຳນວນດັ່ງກ່າວແມ່ນຂົນມາຈາກ ສປປ.ລາວ ເຂົ້າມາຍັງຫວຽດນາມ.

ນອກຈາກນີ້, ສື່ດັ່ງກ່າວຍັງລະບຸວ່າ: ນີ້ຄືການຂົນສົ່ງຢາເສບຕິດຂ້າມຊາດ ທີ່ໃຫຍ່ທີ່ສຸດເທົ່າທີ່ເຄີຍມີມາ ໃນແຂວງກວາງບິງ ທີ່ກວດພົບ ແລະ ຈັບກຸ່ມໂດຍກອງກຳລັງປ້ອງກັນຊາຍແດນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube