ກວດພົບພະຍາດໄຂ່ຫວັດສັດປີກ H5N6 ໃນເປັດ ທີ່ຕະຫຼາດບ້ານຖິ່ນ ແຂວງອຸດົມໄຊ ທີ່ນຳເຂົ້າຈາກໄທ

ລາຍງານ 10 ຕຸລາ 2019, ອີງຕາມບົດລາຍງານຂອງຂະແໜງລ້ຽງສັດ ແລະ ການປະມົງ, ພະແນກກະສິກຳ ແລະ ປ່າໄມ້ ແຂວງອຸດົມໄຊ ເລກທີ 415/ຂລປ.019 ລົງວັນທີ 3 ຕຸລາ 2019 ໃຫ້ຮູ້ວ່າ: ຢືນຢັນການພົບເຊື້ອພະຍາດ H5N6 ໃນເປັດ ຢູ່ຕະຫຼາດບ້ານຖິ່ນ ເມືອງໄຊ ແຂວງອຸດົມໄຊ, ເຊິ່ງເປັນເຊື່ອພະຍາດທີ່ສາມາດຕິດແປດໃສ່ຄົນ ແລະ ຫາກຕິດເຊື້ອມີໂອກາດເສຍຊີວິດເຖິງ 60%, ສ່ວນສັດປີກແມ່ນບໍ່ສະແດງອາການຫຍັງ.

ໃນວັນທີ 28 ສິງຫາ 2019 ທີມງານຂອງກົມລ້ຽງສັດ ແລະ ການປະມົງ ໄດ້ສົມທົບກັບວິຊາການຂະແໜງລ້ຽງສັດ ແລະ ການປະມົງ ແລະ ວິຊາການໜ່ວຍງານລ້ຽງສັດ ແລະ ການປະມົງເມືອງໄຊ ລົງເກັບຕົວຢ່າງສັດປີກ (ເປັດ-ໄກ່) ຈຳນວນ 61 ຕົວຢ່າງ ຢູ່ຕະຫຼາດບ້ານຖິ່ນ ເມືອງໄຊ ເພື່ອສົ່ງເຂົ້າຫ້ອງວິໄຈພະຍາດສັດຢູ່ສູນວິໄຈພະຍາດສັດລ້ຽງ ແລະ ການປະມົງ ຜົນຂອງການວິໄຈແມ່ນພົບເຊື້ອພະຍາດດັ່ງກ່າວຢູ່ນຳຕົວຢ່າງເປັດ.

ສັດປີກທີ່ໄດ້ເກັບຕົວຢ່າງຄັ້ງນີ້ ແມ່ນມີຜູ້ປະກອບການທີ່ຊື່ ນາງ ດຳ ແລະ ນາງ ແຍດ ທັງສອງເປັນຄົນບ້ານຫຼັກສິບ ເມືອງໄຊ ໄດ້ໄປເອົາສັດປີກຢູ່ຊຽງຂອງ ປະເທດໄທເຂົ້າມາຜ່ານດ່ານສາກົນ ແຂວງບໍ່ແກ້ວມາສົ່ງໃຫ້ ນາງ ບົວໄລ, ນາງ ບົວພອນ, ນາງ ຈັນທີ ແລະ ນາງ ວັນສີ ເພື່ອຂາຍຕໍ່ຢູ່ຕະຫຼາດ ນຳເຂົ້າມາແຕ່ລະຄັ້ງປະມານ 300-400 ໂຕຕໍ່ອາທິດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube