ແຂວງບໍ່ແກ້ວທຳລາຍຢາເສບຕິດຫຼາຍລາຍການ ນ້ຳໜັກກວ່າ 3.3 ໂຕນ

ລາຍງານ 11 ຕຸລາ 2019, ເນື່ອງໃນວັນຕ້ານຢາເສບຕິດແຫ່ງຊາດ ຄົບຮອບ 18 ປີ (12 ຕຸລາ 2001-12 ຕຸລາ 2019) ເມື່ອວັນພະຫັດ 10 ຕຸລາ ທີ່ຜ່ານມາ ຢູ່ເດີນກິລາບ້ານປ່າອ້ອຍ, ເມືອງຫ້ວຍຊາຍ, ແຂວງບໍ່ແກ້ວ ໄດ້ມີພິທີທຳລາຍຢາເສບຕິດນຳໜັກຫຼາຍກວ່າ 3.3 ໂຕນ, ໃນນັ້ນປະກອບມີ: ຢາບ້າ 13,138,729 ເມັດ ນ້ຳໜັກ 1,313.87 ກິໂລກຣາມ, ຢາໄອ 1,654 ຫໍ່ ນ້ຳໜັກ 1,654 ກິໂລກຣາມ, ເຮໂຣອິນ 58 ແຫ່ງ ໜັກ 23.2 ກິໂລກຣາມ ແລະ ແປ້ງຝຸ່ນ 14 ເປົາ ໝັກ 350 ກິໂລກຣາມ.

ພາບ: ໜັງສືພິມແຂວງບໍ່ແກ້ວ

ທ່ານ ພັນເອກ ອິນສົມ ທໍລະສິນ ຮັກສາການຫົວໜ້າກອງບັນຊາການ ປກສ ແຂວງບໍ່ແກ້ວ ໄດ້ກ່າວວ່າ: ຢາເສບຕິດກໍ່ໃຫ້ເກີດຜົນກະທົບຕໍ່ຄອບຄົວ ແລະ ບຸກຄົນອ້ອມຂ້າງ ເຮັດໃຫ້ເກີດມີຄວາມສັບສົນວຸ້ນວາຍໃນສັງຄົມ ເປັນຕົ້ນພາໃຫ້ເກີດມີອາຊະຍາກຳປະເພດຕ່າງໆ ເຮັດໃຫ້ເຊື່ອມເສຍວັດທະນະທຳອັນດີງາມຂອງຊາດ.

ພິທີທຳລາຍດັ່ງກ່າວໄດ້ມີທ່ານ ຈອມສີ ລັດຕະນະ ຮອງເຈົ້າແຂວງບໍ່ແກ້ວ, ການນຳແຂວງ, ເມືອງ, ກອງບັນຊາການ ປກຊ-ປກສ, ນັກທຸລະກິດ, ພໍ່ຄ້າ-ຊາວຂາຍ ຕະຫຼອດຮອດອຳນາດການປົກຄອງຂັ້ນບ້ານເຂົ້າຮ່ວມ.

ພາບ: ໜັງສືພິມແຂວງບໍ່ແກ້ວ

ພາບ: ໜັງສືພິມແຂວງບໍ່ແກ້ວ

ພາບ: ໜັງສືພິມແຂວງບໍ່ແກ້ວ


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube