ລາວ-ລັດເຊຍ ຈະຊ້ອມຮົບລົດຕັງຄັ້ງປະຫວັດສາດຮ່ວມກັນ ໃນວັນທີ 10-19/12/2019

ລາຍງານ 19 ຕຸລາ 2019, ອີງຕາມການລາຍງານຂອງກະຊວງປ້ອງກັນປະເທດລັດເຊຍ ເມື່ອວັນສຸກ 18 ຕຸລາ ທີ່ຜ່ານມາ ໃຫ້ຮູ້ວ່າ: ກອງປະຊຸມວາງແຜນ ຄັ້ງທີ 3 ຂອງຜູ້ແທນຜູ້ບັນຊາການທະຫານເຂດຕາເວັນອອກຂອງລັດເຊຍ ແລະ ກະຊວງປ້ອງກັນປະເທດຂອງ ສປປ.ລາວ ໄດ້ກຳນົດວັນຊ້ອມຮົບລົດຕັງພາຍໃຕ້ລະຫັດ Laros 2019 ໃນລະຫວ່າງວັນທີ 10-19 ທັນວາ 2019 ນີ້.

ການຊ້ອມຮົບຈະແບ່ງອອກເປັນ 3 ໄລຍະ, ກອງທັບປະຊາຊົນລາວ ຈະສະໜອງອາວຸດ ແລະ ອຸປະກອນທາງການທະຫານໃຫ້ແກ່ທະຫານລັດເຊຍທີ່ຮ່ວມຊ້ອມຮົບ ທີ່ປະກອບມີລົດຕັງ T-72MS, ລົດຫຸ້ມເກາະ BRDM-2MS, ປືນກົນ PKTM ແລະ ປືນ AKM ເຊິ່ງຈະຊ້ອມທີ່ສະໜາມ Ban Peng (ແຫຼ່ງຂ່າວບໍ່ໄດ້ລະບຸເມືອງ ແລະ ແຂວງ).

ການຊ້ອມຮົບດັ່ງກ່າວ ເພື່ອເປັນການປະກອບສ່ວນເຂົ້າໃນການຂະຫຍາຍການຮ່ວມມືຮອບດ້ານທາງທະຫານ ແລະ ເຕັກນິກທາງການທະຫານລະຫວ່າງສອງປະເທດ, ລວມທັງການຕໍ່ຕ້ານການກໍ່ການຮ້າຍສາກົນ.

ໂດຍຈະມີທະຫານລາວ-ລັດເຊຍຫຼາຍກວ່າ 500 ຄົນ ເຂົ້າຮ່ວມການເຝິກຊ້ອມຮົບຄັ້ງທຳອິດ ແລະ ຄັ້ງປະຫວັດສາດລະຫວ່າງ ສປປ.ລາວ-ລັດເຊຍ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube