ທ່ານນາຍົກ ເຂົ້າຮ່ວມກອງປະຊຸມສຸດຍອດຜູ້ນຳພາກທຸລະກິດອາຊຽນ-ເກົາຫຼີໃຕ້

ລາຍງານ 25 ພະຈິກ 2019, ທ່ານ ທອງລຸນ ສີສຸລິດ ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດຜູ້ນຳພາກທຸລະກິດອາຊຽນ-ເກົາຫຼີໃຕ້ (ASEAN-ROK CEO Summit) ທີ່ນະຄອນປູຊານ, ປະເທດເກົາຫຼີໃຕ້.

ກອງປະຊຸມ ASEAN-ROK CEO Summit ເປັນເວທີສຳຄັນໃຫ້ຜູ້ນຳ ແລະ ພາກເອກະຊົນອາຊຽນ ແລະ ເກົາຫຼີໃຕ້ປຶກສາຫາລືກ່ຽວກັບບັນຫາເສດຖະກິດໂລກທີ່ສຳຄັນ ເພື່ອສົ່ງເສີມການຮ່ວມມືທາງທຸລະກິດໃນພູມມິພາກ, ໂດຍມີຜູ້ນຳອາຊຽນ, ປະທານປະເທດເກົາຫຼີໃຕ້, ຜູ້ແທນພາກທຸລະກິດເຂົ້າຮ່ວມ.

ທ່ານ ມູນ ແຈ-ອິນ ປະທານປະເທດເກົາຫຼີໃຕ້

ພາບບັນຍາກາດກອງປະຊຸມ ASEAN-ROK CEO Summit, 25 ພະຈິກ 2019

ອາຊຽນໃຫ້ຄວາມສຳຄັນເປັນຢ່າງຍິ່ງຕໍ່ກັບການມີສ່ວນຮ່ວມຂອງພາກເອກະຊົນ ທີ່ຖືເປັນກຳລັງແຮງຫຼັກໃນການຂັບເຄື່ອນເສດຖະກິດ ໂດຍອາຊຽນເຫັນດີໃຫ້ມີການຮ່ວມມືກັນລະຫວ່າງພາກລັດ ແລະ ພາກເອກະຊົນຢ່າງໃກ້ຊິດຕາມທີ່ລະບຸໄວ້ໃນແຜນປະຕິບັດ, ພາກເອກະຊົນອາຊຽນໄດ້ວາງເປົ້າໝາຍພັດທະນາດັ່ງນີ້: 1) ການພັດທະນາແຮງງານໃຫ້ມີສີມື ເພື່ອຮອງຮັບການປ່ຽນແປງທາງດິຈິຕອນ ແລະ ເຕັກໂນໂລຊີ, 2) ການສົ່ງເສີມສະພາບແວດລ້ອມທາງດິຈິຕອນ ຜ່ານການພັດທະນາໂຄງສ້າງພື້ນຖານທາງດິຈິຕອນ ແລະ ການສ້າງການເຊື່ອມໂຍງທາງດິຈິຕອນໃນອາຊຽນ, 3) ການຮ່ວມມືທາງດ້ານວັດທະນະທຳ ແລະ 4) ການສົ່ງເສີມກົນໄກການຮ່ວມມືທາງການຄ້າ ໂດຍສະເພາະການຮ່ວມມືພາກເອກະຊົນ.

ພາກລັດອາຊຽນສະໜັບສະໜູນໃຫ້ພາກເອກະຊົນໃຊ້ສິດທິປະໂຫຍດພາຍໃຕ້ກອບ FTA ອາຊຽນ-ເກົາຫຼີໃຕ້ ໂດຍສະເພາະການຮ່ວມມືດ້ານເສດຖະກິດ ທີ່ເກົາຫຼີໃຕ້ມີຄວາມໂດດເດັ່ນເຊັ່ນ: ດ້ານເຕັກໂນໂລຊີ ແລະ ນະວັດຕະກຳ ທີ່ອາຊຽນສາມາດແລກປ່ຽນຮຽນຮູ້ ລວມເຖິງການອຳນວຍຄວາມສະດວກທາງການຄ້າ ເພື່ອໃຫ້ເກີດປະໂຫຍດຮ່ວມກັນທັງສອງຝ່າຍ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube