ໄຟໄໝ້ເຮືອບັນທຸກຍົນຮົບລັດເຊຍ ບາດເຈັບ 3 ຍັງສູນຫາຍ 1 ຄົນ (ວິດີໂອ)

ລາຍງານ 12 ທັນວາ 2019, ເກີດເຫດໄຟໄໝ້ເຮືອບັນທຸກຍົນ Admiral Kuznetsov (ແອດມິຣໍ ຄຸສເນດຊັອບ) ຂອງກອງທັບລັດເຊຍ ທີ່ຈອດສ້ອມແປງຢູ່ທີ່ທ່າສ້ອມແປງຊະເວສດັອກກາ (Zvyozdochka) ໃນເມືອງມູມັນ (Murmansk) ມາເປັນເວລາ 2 ປີແລ້ວ, ເຊິ່ງກ່ອນໜ້ານີ້ເຮືອລຳດັ່ງກ່າວກໍ່ໄດ້ຮັບຄວາມເສຍຫາຍຈາກເຄນພັງລົງມາກະແທກດາດຟ້າເຮືອ ເມື່ອເດືອນຕຸລາ 2018 ເຮັດໃຫ້ພື້ນເຮືອເປັນຂຸມກວ້າງປະມານ 5 ແມັດ.

ສຳນັກຂ່າວ RIA Novosti ຂອງທາງການລັດເຊຍລາຍງານໂດຍອ້າງອີງການເປີດເຜີຍຂອງໂຄສົກທ່າສ້ອມແປງຊະເວສດັອກກາ ວ່າໄຟໄດ້ເລີ່ມລຸກໄໝ້ລະຫວ່າງການເຊື່ອມຈອດໂລຫະ ແລະ ໄໝ້ລາມຢ່າງວ່ອງໄວ.

ສຳນັກຂ່າວ TASS ລາຍງານໃນເວລາຕໍ່ມາວ່າ ມີຜູ້ໄດ້ຮັບບາດເຈັບ 3 ຄົນ, ໜ່ວຍບໍລິການສຸກເສີນ ແລະ ເຈົ້າໜ້າທີ່ດັບເພີງສາມາດຊ່ວຍອອກມາໄດ້ 8 ຄົນ ແລະ ຍັງສູນຫາຍ 1 ຄົນ.

ເຮືອແອດມິຣໍ ຄຸສເນດຊັອບ ເຄີຍສ້ອມແປງຄັ້ງໃໝ່ຄັ້ງທຳອິດໃນປີ 1997, ການສ້ອມແປງຄັ້ງຫຼ້າສຸດກຳນົດສຳເລັດພາຍໃນທ້າຍປີ 2020 ແລະ ກັບເຂົ້າປະຈຳການໃນກອງທັບເຮືອລັດເຊຍ ໃນປີ 2021.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube