ທາງການໄທເລັ່ງໄລ່ລ່າຄາຕະກອນໂຫດ ທີ່ຫາກໍ່ພົ້ນໂທດແຕ່ກັບມາກໍ່ເຫດຊ້ຳຊ້ອນ

ລາຍງານ 17 ທັນວາ 2019, ທ້າວ ສົມຄິດ ພຸ່ມພວງ ອາຍຸ 55 ປີ ສັນຊາດໄທ ຖືກຕັດສິນໃຫ້ຕິດຄຸກຕະຫຼອດຊີວິດເມື່ອປີ 2005 ຕາມຄວາມຜິດໃນຂໍ້ຫາຄາຕະກຳແມ່ຍິງ 5 ຄົນ ທີ່ກ່ຽວຂ້ອງກັບທຸລະກິດກາງຄືນ ແລະ ເພດ, ເຮັດໃຫ້ສື່ມວນຊົນຕັ້ງສາຍາວ່າເປັນ “ແຈັກ ເດິ ຣິບເປີ” (Jack The Ripper) ເມືອງໄທ ແຕ່ຖະແຫຼງການຂອງກົມຄຸມຂັງຂອງໄທລະບຸວ່າ: ທ້າວ ສົມຄິດ ໄດ້ເປັນນັກໂທດຊັ້ນດີ ແລະ ໄດ້ຮັບການປ່ອຍຕົວເມື່ອເດືອນພຶດສະພາ ທີ່ຜ່ານມາ, ແຕ່ 7 ເດືອນຕໍ່ມາ ຜູ້ກ່ຽວໄດ້ກໍ່ເຫດຂ້າແມ່ບ້ານໂຮງແຮມ ອາຍຸ 51 ປີ ໃນຈັງຫວັດທາງພາກຕາເວັນອອກສຽງເໜືອຂອງໄທ ເຊື່ອວ່າເຫດເກີດເມື່ອເຊົ້າວັນອາທິດ 15 ທັນວາ ທີ່ຜ່ານມາ, ເຮັດໃຫ້ທຳຫຼວດໃນພື້ນທີ່ອອກຕິດຕາມໄລ່ລ່າຜູ້ຕ້ອງສົງໄສລາຍນີ້ ໂດຍມີເງິນລາງວັນນຳຈັບ 50,000 ບາດໃຫ້ກັບຜູ້ທີ່ສາມາດແຈ້ງເບາະແສຈົນນຳໄປສູ່ການຈັບກຸມ.

ກອງປາບປາມຂອງໄທ ຍັງໄດ້ລົງພາບທ້າວ ສົມຄິດ ໃນໜ້າ facebook ໃນຖານະບຸກຄົນທີ່ຕຳຫຼວດຕ້ອງການຕົວຫຼາຍທີ່ສຸດ.

ສ່ວນກົມຄຸມຂັງຂອງໄທ ກຳລັງພິຈາລະນາທົບທວນນະໂຍບາຍຫຼຸດຜ່ອນໂທດໃຫ້ແກ່ນັກໂທດ ທີ່ມີຫຼາຍເຖິງ 370,000 ຄົນ ສູງສາມເທົ່າຂອງຄວາມສາມາດໃນການຄວບຄຸມາຂອງສະຖານຄຸມຂັງທົ່ວປະເທດ ແລະ ບັນຫານັກໂທດລົ້ນສະຖານຄຸມຂັງເປັນບັນຫາຮ້າຍແຮງຢ່າງໜຶ່ງຂອງໄທໃນຕອນນີ້ ຈົນກາຍເປັນໜຶ່ງໃນປະເທດທີ່ມີນັກໂທດຫຼາຍທີ່ສຸດໃນໂລກ, ນອກຈາກນັ້ນເກືອບ 80% ຂອງນັກໂທດໃນປະເທດໄທສ່ວນໃຫຍ່ ຈະເປັນຄະດີກ່ຽວຂ້ອງກັບຢາເສບຕິດ.

HTML tutorial