ກອງທັບ ສ.ອາເມຣິກາປະກາດກຽມພ້ອມຂັ້ນສູງສຸດ ເພື່ອຮັບຂອງຂວັນຄິດສະມາສຈາກເກົາຫຼີເໜືອ

ລາຍງານ 21 ທັນວາ 2019, ທ່ານ ພົນເອກ ມາກ ມິວລີ ປະທານຄະນະເສນາທິການທະຫານຮ່ວມສະຫະລັດ ອາເມຣິກາ ກ່າວເມື່ອວັນສຸກ 20​ ທັນວາ ທີ່ຜ່ານມາ ວ່າແຫຼມເກົາຫຼີເປັນໜຶ່ງໃນຈຸດຍຸດທະສາດທີ່ກອງທັບຕິດຕາມລະວັງໄພ ແລະ ມີຄວາມພ້ອມໃນລະດັບສູງສຸດ, ການເປັນພັນທະມິດດ້ານຄວາມໝັ້ນຄົງລະຫວ່າງ ສ.ອາເມຣິກາ, ຍີ່ປຸ່ນ ແລະ ເກົາຫຼີໃຕ້ ຈຶ່ງຕ້ອງໃຫ້ມີຄວາມເຂັ້ມແຂງດັ່ງຫິນ ເພີ່ມຄວາມພ້ອມໃນການປົກປ້ອງຜົນປະໂຫຍດຂອງທັງສາມປະເທດໃຫ້ຫຼຸດພົ້ນຈາກໄພຄຸກຄາມທີ່ອາດເກີດຂຶ້ນໄປທຸກເມື່ອ.

Chiefs of Staff Army Gen. Mark A. Milley briefs the media at the Pentagon, Washington D.C., Dec. 20, 2019. (DoD photo by Marine Sgt. Warren Smith)

Defense Secretary Mark T. Esper and Chairman of the Joint Chiefs of Staff Army Gen. Mark A. Milley briefs the media at the Pentagon, Washington D.C., Dec. 20, 2019. (DoD photo by Marine Sgt. Warren Smith)

ເຖິງຢ່າງໃດກໍ່ຕາມ, ໃນໄລຍະຫຼັງມານີ້ ເກົາຫຼີເໜືອສະແດງອອກຢ່າງກົງໄປກົງມາ ແລະ ຢ່າງມີຄວາມໝາຍຄວາມສຳຄັນ ໂດຍໃຊ້ຍຸດທະສາດຫຼາກຫຼາຍຮູບແບບ ເຊິ່ງ ສ.ອາເມຣິກາ ຕິດຕາມລະວັງ ແລະ ກຽມພ້ອມຈັດການກັບສິ່ງໃດກໍ່ຕາມ ທີ່ຈະມາຈາກລັດຖະບານເກົາຫຼີເໜືອ, ຂະນະທີ່ທ່ານ ມາກ ເອສເປີ ລັດຖະມົນຕີກະຊວງປ້ອງກັນປະເທດ ສ.ອາເມຣິກາ ກ່າວວ່າທຸກເຫຼົ່າທັບຢູ່ໃນສະຖານະພ້ອມຂັ້ນສູງສຸດ ແຕ່ລັດຖະບານ ສ.ອາເມຣິກາ ຍັງຫວັງວ່າຈະມີການຟື້ນຟູຂະບວນການທາງການທູດກັບອີກຝ່າຍ.

ເຊິ່ງເກົາຫຼີເໜືອປະກາດເມື່ອຕົ້ນເດືອນນີ້ວ່າ ຈະສົ່ງຂອງຂວັນຄິດສະມາສ ໃຫ້ ສ.ອາເມຣິກາ ຫາກລັດຖະບານ ສ.ອາເມຣິກາປະຕິເສດປະນີປະນອມຕາມເສັ້ນຕາຍ ທີ່ລັດຖະບານເກົາຫຼີເໜືອກຳນົດໄວ້ພາຍໃນທ້າຍປີນີ້ ແລະ ໃນກໍລະນີທີ່ ສ.ອາເມຣິກາມີຂໍ້ສະເໜີ ແຕ່ຫາກບໍ່ເປັນທີ່ໜ້າເພິ່ງພໍໃຈ ລັດຖະບານເກົາຫຼີເໜືອຈະໃຊ້ມາດຕະການໃໝ່ຕາມແບບຂອງຕົນ.

ເຖິງຢ່າງໃດກໍ່ຕາມ, ທ່ານ ສະຕີເຟນ ບີກັນ ຜູ້ແທນພິເສດດ້ານການເຈລະຈາກັບເກົາຫຼີເໜືອຂອງ ສ.ອາເມຣິກາ ກ່າວໃນລະຫວ່າງການຢ້ຽມຢາມນະຄອນຫຼວງໂຊ ເກົາຫຼີໃຕ້ ເມື່ອວັນຈັນທີ່ຜ່ານມາ ຮຽກຮ້ອງໃຫ້ເກົາຫຼີເໜືອຢຸດຕິການສະແດງທ່າທີອັນເປັນປໍລະປັກໂດຍບໍ່ຈຳເປັນ ແລະ ສ.ອາເມຣິກາມີແຕ່ເປົ້າໝາຍ ບໍ່ມີເສັ້ນຕາຍ ຫຼັງຈາກນັ້ນທ່ານ ສະຕີເຟນ ບີກັນກໍ່ເດີນທາງຕໍ່ໄປພົບກັບທ່ານ ເລີ ຢູເສິງ ຮອງລັດຖະມົນຕີກະຊວງການຕ່າງປະເທດຂອງຈີນ ທີ່ນະຄອນຫຼວງປັກກິ່ງ.

HTML tutorial