ຈີນ, ລັດເຊຍ ແລະ ອີຣານ ຈະຊ້ອມຮົບຮ່ວມກັນທາງທະເລ ທີ່ອ່າວໂອມານ

ລາຍງານ 27 ທັນວາ 2019, ທ່ານ ອູ໋ຊຽນ ໂຄສົກກະຊວງປ້ອງກັນປະເທດຈີນ ຖະແຫຼງເມື່ອວັນພະຫັດ 26 ທັນວາ ທີ່ຜ່ານມາວ່າ: ຈີນ, ລັດເຊຍ ແລະ ອີຣານ ຈະຊ້ອມຮົບທາງທະເລຮ່ວມກັນ ຢູ່ອ່າວໂອມານ ລະຫວ່າງວັນທີ 27-30 ທັນວານີ້, ພ້ອມທັງລະບຸວ່າ ຈຸດປະສົງແມ່ນເພື່ອເປັນການແລກປ່ຽນ ແລະ ເປັນການຮ່ວມມືລະຫວ່າງກອງທັບເຮືອທັງ 3 ປະເທດ, ພ້ອມທັງສະແດງໃຫ້ເຫັນເຖິງຄວາມຕັ້ງໃຈອັນດີຂອງທັງສາມປະເທດ ໃນການຮ່ວມກັນປົກປ້ອງສັນຕິພາບ ແລະ ຄວາມໝັ້ນຄົງທາງທະເລຂອງໂລກ ລວມເຖິງການສ້າງຊຸມຊົນທາງທະເລທີ່ມີອະນາຄົດຮ່ວມກັນ.

ເຊິ່ງທ່ານ ອູ໋ຊຽນ ກ່າວຕື່ມວ່າ: ການຊ້ອມຮົບຮ່ວມກັນຄັ້ງນີ້ ເປັນການແລກປ່ຽນທາງທະຫານຕາມປົກະຕິຂອງທັງສາມປະເທດ ທີ່ສອດຄ່ອງກັບກົດໝາຍ ແລະ ແນວທາງປະຕິບັດລະຫວ່າງປະເທດ ໂດຍບໍ່ກ່ຽວຂ້ອງກັບສະຖານະການໃນພູມມິພາກດັ່ງກ່າວແຕ່ຢ່າງໃດ, ໂດຍຈີນຈະສົ່ງເຮືອຊິໜິງ (Xining) ເຮືອພິຂາດຕິດອາວຸດປ່ອຍນຳວິຖີເຂົ້າຮ່ວມການເຝິກຊ້ອມຮົບໃນຄັ້ງນີ້.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube