ຈີນປະສົບຄວາມສຳເລັດໃນການທົດສອບຈະຫຼວດ Long March-5 ສານຝັນສູ່ດາວອັງຄານ

ລາຍງານ 28 ທັນວາ 2019, ຈະຫຼວດ Long March-5 ຂອງສຳນັກງານອະວະກາດແຫ່ງຊາດຈີນ (CNSA) ລອຍຂຶ້ນຈາກຖາຍປ່ອຍຈະຫຼວດ ທີ່ສູນອະວະກາດເມືອງເຫວິນສາງ ເກາະໄຫຫຼຳ ນອກຝັ່ງທາງທິດໃຕ້ຂອງຈີນ ເມື່ອວເລາ 20:45 ນາທີ ຕາມເວລາທ້ອງຖິ່ນຂອງວັນສຸກ 27 ທີ່ຜ່ານມາ ເພື່ອສົ່ງດາວທຽມທົດລອງ Shijian-20 (ສືຈ້ຽນ-20) ຂຶ້ນສູ່ວົງໂຄຈອນໂລກ.

ຂະນະທີ່ CNSA ອອກຖະແຫຼງການໃນເວລາຕໍ່ມາ ວ່າຄວາມສຳເລັດໃນການທົດລອງປະສິດທິພາບຂອງຈະຫຼວດ Long March-5 ແລະ ການສົ່ງດາວທຽມສືຈ້ຽນ-20 ຖືເປັນຄວາມກ້າວໜ້າຄັ້ງສຳຄັນ ແລະ ຮຽກຄືນຂວັນກຳລັງໃຈໃຫ້ກັບບຸກຄະລາກອນໃນວົງການອຸດສາຫະກຳອະວະກາດຂອງຈີນ ພາຍຫຼັງທີ່ຄວາມພະຍາຍາມແບບດຽວກັນນີ້ ເມື່ອເດືອນກໍລະກົດ 2017 ເພື່ອສົ່ງດຽວທຽມ ສືຈ້ຽນ-18 ປະສົບກັບຄວາມລົ້ມແຫຼວ, ການທົດລອງຄັ້ງນີ້ ຈະເປັນການຊຸກດັນໃຫ້ທຸກຝ່າຍຮ່ວມກັນເດີນໜ້າຕາມແຜນການສົ່ງຍານສຳຫຼວດໄປຍັງດາວອັງຄານ ໃຫ້ໄດ້ຕາມກຳນົດການເດີມ ຄືພາຍໃນປີ 2020 ແລະ ການມີສະຖານີອະວະກາດເປັນຂອງຕົນເອງ ພ້ອມທັງສົ່ງນັກບິນອະວະກາດຈີນຂຶ້ນໄປປະຕິບັດການອີກດ້ວຍ ພາຍໃນປີ 2022.

ນອກຈາກນີ້, ການທີ່ຈະຫຼວດ Long March-5 ມີນ້ຳໜັກບັນທຸກສູງສຸດ 25 ໂຕນ ຖືວ່າຢູ່ໃນລະດັບທຽບເທົ່າກັບຈະຫຼວດຂະໜາດໃຫຍ່ຂອງສະຫະລັດ ອາເມຣິກາ ແລະ ລັດເຊຍຄື: Delta-IV ຫຼື Delta-9000 ແລະ Proton-M.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube