Warning: "continue" targeting switch is equivalent to "break". Did you mean to use "continue 2"? in /home/u862536461/domains/idsala.com/public_html/wp-content/plugins/revslider/includes/operations.class.php on line 2854

Warning: "continue" targeting switch is equivalent to "break". Did you mean to use "continue 2"? in /home/u862536461/domains/idsala.com/public_html/wp-content/plugins/revslider/includes/operations.class.php on line 2858

Warning: "continue" targeting switch is equivalent to "break". Did you mean to use "continue 2"? in /home/u862536461/domains/idsala.com/public_html/wp-content/plugins/revslider/includes/output.class.php on line 3708
ຄຸກຕະຫຼອດຊີວິດ ອະດີດລັດຖະມົນຕີຫວຽດນາມ ຄະດີສໍ້ລາດບັງຫຼວງເຮັດໃຫ້ພັກ-ລັດເສຍຊື່ສຽງ | ອິດສະຫຼະ

ຄຸກຕະຫຼອດຊີວິດ ອະດີດລັດຖະມົນຕີຫວຽດນາມ ຄະດີສໍ້ລາດບັງຫຼວງເຮັດໃຫ້ພັກ-ລັດເສຍຊື່ສຽງ

ລາຍງານ 29 ທັນວາ 2019, ທ່ານ ຫງວຽນ ບັກ ຊອນ ອະດີດລັດຖະມົນຕີກະຊວງຂໍ້ມູນຂ່າວສານ ແລະ ການສື່ສານຫວຽດນາມ ພ້ອມດ້ວຍທ່ານ ຈອງ ມິນ ທວນ ເຊິ່ງຂະນະນັ້ນດຳລົງຕຳແໜ່ງຮອງລັດຖະມົນຕີກະຊວງດັ່ງກ່າວ ຖືກຟ້ອງໃນຂໍ້ຫາສໍ້ລາດບັງຫຼວງ ຮັບເງິນສິນບົນຈຳນວນ 3.2 ລ້ານໂດລາສະຫະລັດ ເພື່ອອະນຸມັດການຊື້ບໍລິສັດສະຖານີໂທລະພາບ ໃນປີ 2015 ເຊິ່ງເຮັດໃຫ້ບໍລິສັດໂທລະຄົມມະນາຄົມ ໂມບິໂຟນ (Mobifone) ຂອງລັດຖະບານຫວຽດນາມເສຍຫາຍ ຕົກເປັນມູນຄ່າເທົ່າກັບ 300 ລ້ານໂດລາສະຫະລັດ.

ການພິຈາລະນາຄະດີຂອງບຸກຄົນທັງສອງ ທີ່ເປັນອະດີດສະມາຊິກຄະນະກຳມະການສູນກາງພັກຄອມມູນິດຫວຽດນາມ ໃນສານນະຄອນຫຼວງຮ່າໂນຍ ເປັນເວລາ 2 ອາທິດ ໄດ້ສິ້ນສຸດລົງເມື່ອວັນເສົາ 28 ທັນວາ ທີ່ຜ່ານມາ, ຜູ້ພິພາກສາກ່າວໃນລະຫວ່າງການອ່ານຄຳຕັດສິນຕອນໜຶ່ງວ່າ: ພຶດຕິກຳຂອງກຸ່ມຈຳເລີຍເຮັດໃຫ້ສັງຄົມເກີດແນວຄິດບໍ່ດີຕໍ່ພັກຕໍ່ລັດ ແລະ ສ້າງຄວາມເສຍຫາຍຢ່າງມະຫາສານ.

ທ່ານ ຫງວຽນ ບັກ ຊອນ ເຊິ່ງຕຳລົງຕຳແໜ່ງລັດຖະມົນຕີກະຊວງຂໍ້ມູນຂ່າວສານ ແລະ ການສື່ສານ ລະຫວ່າງປີ 2011-2016 ຖືກສານຕັດສິນຕັດອິດສະຫຼະພາບຕະຫຼອດຊີວິດ, ສ່ວນທ່ານ ຈອງ ມິນ ທວນ ທີ່ກ່າວຂຶ້ນສູ່ຕຳແໜ່ງລັດຖະມົນຕີກະຊວງດັ່ງກ່າວຕໍ່ຈາກທ່ານ ຫງວຽນ ບັກ ຊອນ ຈົນຖືກລັດອອກໃນເດືອນກໍລະກົດ ປີທີ່ຜ່ານມາ ຖືກສານສັ່ງລົງໂທດຕັດອິດສະຫຼະພາບ 14 ປີ.

ໃນລະວຫວ່າງການພິຈາລະນາຄະດີ ທ່ານ ຫງວຽນ ບັກ ຊອນ ໄດ້ຮັບສະພາບພາບຜິດຕໍ່ສານ ແລະ ຮ້ອງຂໍໃຫ້ສານລົງໂທດສະຖານເບົາ, ສ່ວນທ່ານ ຈອງ ມິນ ທວນ ກ່າວວ່າຕົນຮູ້ສຶກອັບອາຍຕໍ່ການກະທຳຜິດຂອງຕົນເອງ.

ຄະດີນີ້ສຳນັກງານໄອຍະການໄດ້ສະເໜີໂທດປະຫານຊີວິດທ່ານ ຫງວຽນ ບັກ ຊອນ ແຕ່ລອດຕາຍເພາະນຳເງິນທີ່ສໍ້ລາດບັງຫຼວງໄປມາຄືນແກ່ລັດ ເມື່ອວັນສຸກ 27 ທັນວາ ທີ່ຜ່ານມາ 1 ວັນກ່ອນທີ່ສານກຳນົດອ່ານຄຳຕັດສິນ.

ເຊິ່ງທັງສອງຮັບເງິນກ້ອງໂຕະຈາກທ່ານ ຟາມ ນັດ ວູ ຜູ້ອຳນວຍການບໍລິສັດ TV audio visual global ທີ່ປະສົບພາວະຂາດທຶນ, ເຊິ່ງຕົກເປັນຈຳເລີຍຮ່ວມໃນຄະດີນີ້ດ້ວຍ ແລະ ຖືກສານຕັດສິນຕັດອິດສະຫຼະພາບ 3 ປີ, ສ່ວນຈຳເລີຍຮ່ວມໃນຄະດີອີກ 11 ຄົນ ໄດ້ຮັບໂທດຕັດອິດສະຫຼະພາບລະຫວ່າງ 2-23 ປີ.

ຫວຽດນາມ ເປັນໜຶ່ງໃນປະເທດທີ່ມີເສດຖະກິດເຕີບໃຫຍ່ໄວທີ່ສຸດໃນອາຊີ ແລະ ກໍ່ປະສົບບັນຫາການສໍ້ລາດບັງຫຼວງມາຢ່າງຍາວນານ, ເຊິ່ງອົງກອນຕິດຕາມກວດກາການສໍ້ລາດບັງຫຼວງທົ່ວໂລກ Transparency International ຫຼື TI ຈັດອັນດັບຫວຽດນາມຢູ່ອັນດັບ 117 ຈາກ 180 ປະເທດທົ່ວໂລກ ໃນດັດຊະນີການສໍ້ລາດບັງຫຼວງຂອງ TI.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube