ຈີນພົບພະຍາດປອດບວມປິດສະໜາລະບາດ ຍັງບໍ່ສາມາດລະບຸທີ່ມາໄດ້, ຫຼາຍປະເທດເລັ່ງສະກັດກັ້ນ

ລາຍງານ 6 ມັງກອນ 2020, ຄະນະກຳມະການສາທາລະນະສຸກເມືອງອູຮັ້ນ ມົນທົນເຫີເປີຍ ສປ.ຈີນ ອອກຖະແຫຼງການເມື່ອວັນອາທິດ 5 ມັງກອນ ທີ່ຜ່ານມາ ວ່າສະຖານະການການແຜ່ລະບາດຂອງ “ໂລກປອດບວມປິດສະໜາ” ໃນພື້ນທີ່ສົ່ງຜົນໃຫ້ມີຜູ້ປ່ວຍຕິດເຊື້ອແລ້ວ 59 ຄົນ ຕັ້ງແຕ່ເດືອນທັນວາ ປີທີ່ຜ່ານມາ, ເຊິ່ງພະຍາດດັ່ງກ່າວບໍ່ແມ່ນໄຂ້ຫວັດໃຫຍ່, ໄຂ້ຫວັດນົກ, ເຊື້ອໄວຣັສອະດີໂນ ແລະ ອາກາດກ່ຽວກັບລະບົບທາງເດີນຫາຍໃຈຢ່າງຮຸນແຮງກະທັນຫັນເຊັ່ນ ໂລກຊາ ຫຼື ເມີ.

ເຊິ່ງຜູ້ຕິດເຊື້ອທັງໝົດໄດ້ຮັບການປິ່ນປົວຢ່າງຖືກຕ້ອງຕາມຫຼັກສາທາລະນະສຸກ ຫຼາຍຄົນຊ່ວງເຊົາຈາກໂລກ ແລະ ກັບມາໃຊ້ຊີວິດໄດ້ຕາມປົກກະຕິແລ້ວ ໂດຍຍັງບໍ່ມີໃຜເສຍຊີວິດ, ເຊິ່ງຜູ້ປ່ວຍສ່ວນໃຫຍ່ມີອາກາດໄຂ້ ສ່ວນອາການຕິດເຊື້ອໃນລະບົບທາງເດີນຫາຍໃຈເກີດຂຶ້ນກັບຜູ້ປ່ວຍພຽງບໍ່ພໍເທົ່າໃດຄົນ, ນອກຈາກນີ້ ເຈົ້າໜ້າທີ່ຍັງບໍ່ພົບການແຜ່ລະບາດຈາກມະນຸດສູ່ມະນຸດ, ເຖິງຢ່າງໃດກໍ່ຕາມ ຜົນການກວດສອບແກະຮອຍເສັ້ນທາງຂອງໂລກໃນເບື້ອງຕົ້ນພົບວ່າ ອາດມາຈາກຕະຫຼາດຈຳໜ່າຍອາກາດທະເລແຫ່ງໜຶ່ງໃນເມືອງອູຮັ້ນ ແຕ່ໄດ້ມີການປິດກັນພື້ນທີ່ເພື່ອທຳຄວາມສະອາດ ແລະ ຂ້າເຊື້ອໂລກແລ້ວ.

ໃນວັນດຽວກັນສຳນັກງານການແພດຮົງກົງອອກຖະແຫຼງການວ່າ ຈຳນວນຜູ້ມີອາກາດຕິດເຊື້ອໄວຣັສໃນລະບົບທາງເດີນຫາຍໃຈເພີ່ມຂຶ້ນເປັນຢ່າງໜ້ອຍ 15 ຄົນນັບຕັ້ງແຕ່ຊ່ວງເທດສະການຄຼິດສະມາສ ໂດຍທຸກຄົນມີປະຫວັດການເດີນທາງໄປຍັງເມືອງອູຮັ້ນເມື່ອບໍ່ດົນມານີ້ ແລະ ໄດ້ຍົກລະດັບການເຝົ້າຕິດຕາມລະວັງໂລກລະບາດຂຶ້ນສູ່ຂັ້ນວິກິດ ແລະ ມີມາດຕະການຕອບສະໜອງຢ່າງຈິງຈັງ ນັບຕັ້ງແຕ່ວັນເສົາ ທີ່ຜ່ານມາ.

ຂະນະທີ່ອົງການອະນາໄມໂລກ ອອກຖະແຫຼງການວ່າ ກຳລັງຕິດຕາມສະຖານະການດັ່ງກ່າວຢ່າງໃກ້ຊິດ ເນື່ອງຈາກຍັງມີຄວາມເປັນຫ່ວງຈາກຫຼາຍຝ່າຍ ວ່າໂລກຊາອາດກັບມາແຜ່ລະບາດ ພາຍຫຼັງເຄີຍເກີດຂຶ້ນເມື່ອປີ 2003 ສົ່ງຜົນໃຫ້ມີຜູ້ເສຍຊີວິດຫຼາຍກວ່າ 8,000 ຄົນທົ່ວໂລກ ໂດຍພົບໃນຈີນຫຼາຍທີ່ສຸດ 399 ຄົນ ແລະ ອີກ 299 ຄົນໃນຮົງກົງ.