ປະຊາຊົນອີຣານລະດົມທຶນ ຕັ້ງຄ່າຫົວ ປ.ທຣຳ 80 ລ້ານໂດລາສະຫະລັດ

ລາຍງານ 6 ມັງກອນ 2020, ໃນລະຫວ່າງພິທີເຄື່ອນຫີບສົບຂອງທ່ານ ພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດຄຸດ ຂອງກອງທັບປະຕິວັດອີຣານ ເຊິ່ງມີການລຳລຽງມາຈາກອິຣັກ ມາຍັງເມືອງມັສຮັດ ໃນພາກເໜືອຂອງອີຣານ ເມື່ອວັນອາທິດ 5 ມັງກອນ ທີ່ຜ່ານມາ ແລະ ມີການຖ່າຍທອດສົດຜ່ານສະຖານີໂທລະພາບແຫ່ງຊາດ ໜຶ່ງໃນຜູ້ບັນຍານກ່າວວ່າ ອີຣານມີປະຊາກອນທົ່ວປະເທດ 80 ລ້ານຄົນ.

ດັ່ງນັ້ນ, ຫາກປະຊາຊົນອີຣານທຸກຄົນຮ່ວມກັນບໍລິຈາກເງິນພຽງຄົນລະ 1 ໂດລາສະຫະລັດ ຈະເທົ່າກັບ 80 ລ້ານໂດລາສະຫະລັດ ພຽງພໍສຳລັບການມອບໃຫ້ແກ່ບຸກຄົນໃດກໍ່ຕາມ ທີ່ສາມາດນຳຫົວຂອງທ່ານ ໂດໂນ ທຣຳ ປະທານປະເທດ ສ.ອາເມຣິກາ ມາໃຫ້ປະຊາຊົນອິຣານໄດ້.

ເຊິ່ງທ່ານ ພົນຕີ ກັສເຊັມ ໂຊໄລມານີເສຍຊີວິດພ້ອມກັບທ່ານ ອາບູ ມາດີ ອັນ-ມູຮັນດິສ ຮອງຜູ້ບັນຊາການກອງກຳລັງຮັສ ເຊິ່ງເປັນເຄືອຂ່າຍນັກຮົບຊີອະໃນອິຣັກ ທີ່ມີຄວາມໃກ້ຊິດກັບອີຣານ ຈາກປະຕິບັດການໂຈມຕີທາງອາກາດຂອງກອງທັບ ສ.ອາເມຣິກາ ໃນນະຄອນຫຼວງແບກແດດ ປະເທດອິຣັກ ເມື່ອວັນທີ 3 ມັງກອນ ທີ່ຜ່ານມາ.

ຂະນະທີ່ລັດຖະບານ ສ.ອາເມຣິກາ ຍັງບໍ່ສະແດງທ່າທີຕໍ່ເລື່ອງນີ້, ໃນດ້ານຂອງທ່ານ ອາໂບປາຊານ ອາບູໂທຣາບີ ໜຶ່ງໃນນັກການເມືອງສາຍແຂງຂອງອີຣານ ກ່າວວ່າການທີ່ ສ.ອາເມຣິກາ ຂ້າທ່ານ ພົນຕີ ກັສເຊັມ ໂຊໄລມານີ ຄືການປະກາດສົງຄາມ ແລະ ວິຈານຝ່າຍທີ່ຕ້ອງການໃຫ້ລັດຖະບານອີຣານອົດທົນອົດກັ້ນວ່າ ຈະໃຫ້ອີຣານສົ່ງດອກໄມ້ໄປແທນບໍ່?.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube