ຜູ້ນຳສູງສຸດຂອງອີຣານກ່າວວ່າ ຄວນສິ້ນສຸດການມີທະຫານອາເມຣິກາ ໃນຕາເວັນອອກກາງໄດ້ແລ້ວ

ລາຍງານ 8 ມັງກອນ 2020, ທ່ານ ຢາຕອນເລາະ ອາລີ ຄາເມເນອີ ຜູ້ນຳສູງສຸດຂອງອີຣານ ກ່າວປາໄສທາງໂທລະພາບແຫ່ງຊາດວ່າ: ເມື່ອຄືນທີ່ຜ່ານມາອີຣານໄດ້ຕົບໜ້າ ສ.ອາເມຣິກາ ດ້ວຍການຍິງໂຈມຕີຖານທັບ ສ.ອາເມຣິກາ ໃນອິຣັກ, ການມີກຳລັງທາງທະຫານຢ່າງບໍ່ຖືກຕ້ອງຂອງ ສ.ອາເມຣິກາ ໃນຕາເວັນອອກກາງຄວນສິ້ນສຸດໄດ້ແລ້ວ ເພາະເຮັດໃຫ້ເກີດສົງຄາມ, ຄວາມແຕກແຍກ ແລະ ການທຳລາຍລ້າງ, ພ້ອມທັງໄດ້ກ່າວເຖິງທ່ານ ພົນຕີ ກັສເຊັມ ໂຊໄລມານີ ວ່າເປັນນັກຮົບທີ່ກ້າຫານ ແລະ ເປັນສະຫາຍທີ່ດີທີ່ສຸດຂອງພວກເຮົາ.

ການປາໄສດັ່ງກ່າວຂອງຜູ້ນຳສູງສຸດອີຣານ ເກີດຂຶ້ນພາຍຫຼັງທີ່ກອງທັບປະຕິວັດອີຣານຍິງຈະຫຼວດຫຼາຍກວ່າ 20 ລູກໂຈມຕີຖານທັບ ສ.ອາເມຣິກາ 2 ແຫ່ງໃນອິຣັກ ເພື່ອເປັນການເອົາຄືນທີ່ ສ.ອາເມຣິກາປະຕິບັການທາງທະຫານ ໃນນະຄອນຫຼວງແບກແດດ ປະເທດອິຣັກ ເມື່ອວັນທີ 3 ມັງກອນ ທີ່ຜ່ານມາ ລອບສັງຫານທ່ານ ພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດຄຸດ ຂອງກອງທັບປະຕິບັດອີຣານ ແລະ ທ່ານ ອາບູ ມາດີ ອັນ-ມູຮິນດິສ ອະດີດຮອງຜູ້ບັນຊາການກອງກຳລັງຮັສ ທີ່ເປັນພັນທະມິດກັບອີຣານ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube