ສປປ.ລາວເຮົາ ໄດ້ອອກແຈ້ງການຫ້າມນັກທ່ອງທ່ຽວຈາກ ສປ.ຈີນ ເຂົ້າປະເທດເປັນການຊົ່ວຄາວແລ້ວ

ລາຍງານ 2 ກຸມພາ 2020, ກົມກົງສຸນ, ກະຊວງການຕ່າງປະເທດໄດ້ອອກແຈ້ງການ ເລື່ອງການຊີ້ນຳຂອງຂັ້ນເທິງກ່ຽວກັບການໂຈະການອອກວີຊາກັບດ່ານໃຫ້ບັນດານັກທ່ອງທ່ຽວທີ່ເດີນທາງມາຈາກ ສປ.ຈີນ ໂດຍມີເນື້ອໃນສຳຄັນລະບຸວ່າ:

ເນື່ອງຈາກການລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ ທີ່ເມືອງອູຫັ້ນ ມົນທົນຫູເປີຍ ຂອງ ສປ.ຈີນ ໄດ້ແຜ່ລະຂະຫຍາຍເປັນວົງກວ້າງໃນທັງໃນ ສປ.ຈີນເອງ ແລະ ຕ່າງປະເທດຢ່າງວ່ອງໄວ ເຮັດໃຫ້ມີຜູ້ເສຍຊີວິດ ແລະ ຕິດເຊື້ອໃນລະດັບທີ່ແຕກຕ່າງກັນ ສະນັ້ນ, ເພື່ອເປັນການປ້ອງກັນເຊື້ອພະຍາດດັ່ງກ່າວ ທີ່ອາດລະບາດມາຍັງ ສປປ.ລາວ, ກົມກົງສຸນຈຶ່ງຂໍແຈ້ງການຊີ້ນຳຂອງຂັ້ນເທິງດັ່ງນີ້:

ໃຫ້ໜ່ວຍງານວິຊາການກັບດ່ານປະຈຳຢູ່ບັນດາດ່ານສາກົນ ທີ່ມີຊາຍແດນຕິດກັບ ສປ.ຈີນ ໂຈະການອອກວີຊາເຂົ້າ ສປປ.ລາວ ປະເພດທ່ອງທ່ຽວເປັນການຊົ່ວຄາວ ໃຫ້ແກ່ບັນດານັກທ່ອງທ່ຽວ ທີ່ເດີນທາງມາຈາກ ສປ.ຈີນ ໂດຍເລີ່ມຈັດຕັ້ງປະຕິບັດແຕ່ວັນທີ 2 ກຸມພາ 2020 ນີ້ເປັນຕົ້ນໄປຈົນກວ່າຈະມີການຊີ້ນຳການປ່ຽນແປງ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube