ສາທາລະນະສຸກໄທຖະແຫຼງ ໄດ້ປົວຜູ້ຕິດເຊື້ອຈຸລະໂລກໂຄໂຣນາສາຍພັນໃໝ່ທີ່ຮຸນແຮງດີຂຶ້ນໃນ 48 ຊົ່ວໂມງ

ລາຍງານ 2 ກຸມພາ 2020, ທ່ານ ກຽງສັກ ອະຕິພອນວະນິດ ແລະ ທ່ານ ສືບສາຍ ຄົງແສງດາວ ແພດຜູ້ຊ່ຽວຊານຈາກໂຮງໝໍຣາຊະວິຖີ ໄດ້ຖະແຫຼງຮ່ວມກັບກະຊວງສາທາລະນະສຸກຂອງໄທ ລາຍງານກ່ຽວກັບການປິ່ນປົວຜູ້ຕິດພະຍາດປອດອັກເສບຈາກເຊື້ອຈຸລະໂລກໂຄໂຣນາສາຍພັນໃໝ່ ທີ່ເປັນແມ່ຍິງຊາວຈີນ ທີ່ຖືກສົ່ງຕໍ່ມາຈາກໂຮງໝໍຫົວຫິນ ໂດຍບຸກຄົນດັ່ງກ່າວມີທັງໂລກປະຈຳຕົວ, ອາຍຸຫຼາຍ, ມີອາການນ້ຳຖ້ວມປອດ ແລະ ອາການປອດອັກເສບຮຸນແຮງ, ມີຄ່າອົກຊີແຊນໃນເລືອດຕ່ຳ ວ່າບຸກຄົນດັ່ງກ່າວມີອາການດີຂຶ້ນຢ່າງໄວວາພາຍໃນ 48 ຊົ່ວໂມງ ເຊິ່ງຂະບວນການປິ່ນປົວນັ້ນໄດ້ໃຊ້ຢາຕ້ານໄຂຫວັດໃຫຍ່ ແລະ ຢາຕ້ານໂລກເອດຮ່ວມກັນ ເຊິ່ງຜົນການກວດເຊື້ອຈຸລະໂລກໂຄໂຣນາຈາກທີ່ເປັນບວກໄດ້ກາຍເປັນລົບ ແລະ ມີທິດທາງທີ່ດີຂຶ້ນ.

ທ່ານ ກຽງສັກ ອະຕິພອນວະນິດກ່າວວ່າ ຢາຕ້ານໂລກເອກທາງຈີນກໍ່ໃຊ້ເຊັ່ນກັນ ແຕ່ທາງເຮົາມີການເປີດເບິ່ງຂໍ້ມູນວ່າມີການປິ່ນປົວໃນກຸ່ມເຊື້ອຈຸລະໂລກໂຄໂຣນາເມີ ທີ່ເຄີຍແຜ່ລະບາດແລ້ວໄດ້ຜົນດ້ວຍຢາຕ້ານໄຂ້ຫວັດໃຫຍ່ ກໍ່ເລີຍນຳມາປະສົມກັນ ປາກົດວ່າຜົນດີຂຶ້ນພາຍໃນ 48 ຊົ່ວໂມງ ເຊື່ອຈາກທີ່ເປັນບວກມາໄດ້ 10 ວັນກໍ່ກາຍເປັນລົບ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube