ດ່ວນ…! ພົບຄົນຈີນທີ່ຕິດເຊື້ອຈຸລະໂລກໂຄໂຣນາສາຍພັນໃໝ່ ມີປະຫວັດເດີນທາງມາ ສປປ.ລາວ

ລາຍງານ 3 ກຸມພາ 2020, ສະຖານກົງສຸນໃຫຍ່ແຫ່ງ ສປ.ຈີນ ປະຈຳຫຼວງພະບາງໄດ້ສົ່ງໜັງສືເຖິງພະແນກການຕ່າງປະເທດ ແລະ ພະແນກສາທາລະນະສຸກແຂວງຫຼວງພະບາງ ໂດຍມີເນື້ອໃນສຳຄັນລະບຸວ່າ:

ຂໍແຈ້ງໃຫ້ຊາບວ່າ: ທ້າວ ຈັງປ່ຽວ ສັນຊາດຈີນ ທີ່ປັດຈຸບັນຢູ່ນະຄອນຊົງຊິ້ງ ຜູ້ກ່ຽວຖືກກວດພົບວ່າເປັນພະຍາດອັກເສບປອດຈາກເຊື້ອຈຸລະໂລກໂຄໂຣນາສາຍພັນໃໝ່ ໃນວັນທີ 1 ກຸມພາ 2020 ເຊິ່ງຜ່ານມາຜູ້ກ່ຽວໄດ້ເດີນທາງເຂົ້າມາ ສປປ.ລາວ (ຖ້ຽວບິນ G52805) ພ້ອມກຸ່ມທົວ ແລະ ເດີນທາງເຖິງນະຄອນຫຼວງວຽງຈັນໃນເວລາທ່ຽງຄືນຂອງວັນທີ 26 ມັງກອນ 2020, ເດີນທາງໄປວັງວຽງໃນວັນທີ 27 ມັງກອນ 2020, ເດີນທາງຮອດຫຼວງພະບາງໃນຕອນແລງວັນທີ 28 ມັງກອນ 202; ແລະ ເດີນທາງກັບຄືນນະຄອນຊົງຊິ້ງ ໃນເວລາທ່ຽວຄືນ ວັນທີ 31 ມັງກອນ 2020 (ຖ້ຽວບິນ G54856).

ດັ່ງນັ້ນ, ຈຶ່ງແຈ້ງມາຍັງພະແນກການຕ່າງປະເທດ ແລະ ພະແນກສາທາລະນະສຸກແຂວງຫຼວງພະບາງ ຂໍໃຫ້ຝ່າຍລາວກວດກາ ແລະ ເກັບກຳຂໍ້ມູນຕ່າງໆທີ່ທ້າວ ຈັງປ່ຽວ ເຄື່ອນໄຫວໃນໄລຍະທ່ອງທ່ຽວຢູ່ຫຼວງພະບາງ ແລະ ນຳໃຊ້ມາດຕະການປ້ອງກັນ ແລະ ຄວບຄຸມຢ່າງເຂັ້ມງວດ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube