ຜູ້ຕິດເຊື້ອຈຸລະໂລກໂຄໂຣນາສາຍພັນໃໝ່ຍັງເພີ່ມຂຶ້ນຕໍ່ເນື່ອງ ແລະ ແຜ່ລະບາດໄປແລ້ວ 24 ປະເທດ

ລາຍງານ 8 ກຸມພາ 2020, ຄະນະກຳມາທິການສາທາລະນະສຸກແຫ່ງ ສປ.ຈີນ ລາຍງານສະຖານະການການແຜ່ລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ ແຕ່ລະຫວ່າງເດືອນທັນວາ 2019 ເຖິງວັນທີ 7 ກຸມພາ 2020 ວ່າມີຈຳນວນຜູ້ເສຍຊີວິດແລ້ວ 722 ຄົນ ແລະ ມີຜູ້ຕິດເຊື້ອສະສົມເພີ່ມເປັນ 34,546 ຄົນ ໂດຍຈຸດທີ່ວິກິດທີ່ສຸດຍັງເປັນມົນທົນຫູເປີຍ ພາກກາງຂອງ ສປ.ຈີນ, ເຖິງຢ່າງໃດກໍ່ຕາມໄດ້ມີຜູ້ຖືກປິ່ນປົວຈົນຊ່ວງເຊົາແລ້ວຈຳນວນ 2,050 ຄົນ, ນອກນີ້ຍັງມີກໍລະນີສົງໄສອີກ 27,657 ຄົນ.

ນອກເໜືອຈາກຮົງກົງ, ມາເກົ້າ ແລະ ໄຕ້ຫວັນ ການແຜ່ລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ຍັງໄດ້ແຜ່ໄປອີກ 24 ປະເທດຄື: ໄທ, ຍີ່ປຸ່ນ, ສິງກະໂປ, ເກົາຫຼີໃຕ້, ອົດສະຕຣາລີ, ມາເລເຊຍ, ເຢຍລະມັນ, ສ.ອາເມຣິກາ, ຝຣັ່ງ, ຫວຽດນາມ, ການາດາ, ສະຫະນະຄອນ ເອເມຣັດ ອາຣັບ, ອິຕາລີ, ລັດເຊຍ, ອັງກິດ, ກຳປູເຈຍ, ແຟງລັງ, ອິນເດຍ, ເນປານ, ຟິລິບປິນ, ແອັດສະປາຍ, ສີລັງກາ, ຊູແອດ ແລະ ແບນຊິກ.

HTML tutorial