ເຊື້ອຈຸລະໂລກໂຄໂຣນາສາຍພັນໃໝ່ໄດ້ພາກໄປແລ້ວກວ່າ 1,000 ຊີວິດ ແລະ ຍັງມີຜູ້ປ່ວຍຂັ້ນວິກິດຫຼາຍພັນ

ລາຍງານ 11 ກຸມພາ 2020, ຄະນະກຳມາທິການສາທາລະນະສຸກແຫ່ງ ສປ.ຈີນ ລາຍງານສະຖານະການການແຜ່ລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ ນັບແຕ່ເດືອນທັນວາ 2019 ເຖິງ ວັນທີ 10 ກຸມພາ ທີ່ຜ່ານມາ ວ່າມີຜູ້ເສຍຊີວິດແລ້ວ 1,016 ຄົນ, ໜຶ່ງໃນນັ້ນລວມທັງຊາຍຊາວອາເມຣິກາ ອາຍຸ 60 ປີ ທີ່ອາໄສຢູ່ເມືອງອູຫັ້ນ ມົນທົນຫູເປີຍ ເຊິ່ງເປັນສູນກາງຂອງການແຜ່ລະບາດ ແລະ ຖືເປັນຄົນຕ່າງປະເທດຄົນທຳອິດທີ່ເສຍຊີວິດ.

ຂະນະທີ່ຈຳນວນຜູ້ຕິດເຊື້ອສະສົມມີ 42,638 ຄົນ ໃນນັ້ນ 7,333 ຄົນເປັນຄົນເຈັບຂັ້ນວິກິດ, ເຖິງຢ່າງໃດກໍ່ຕາມມີຜູ້ໄດ້ຮັບການປິ່ນປົວຈົນຊ່ວງເຊົາແລ້ວ 3,996 ຄົນ ແລະ ຍັງມີກໍລະນີສົງໄສອີກ 21,657 ຄົນ, ຂະນະທີ່ສະຖານະການການແຜ່ລະບາດໃນຕ່າງປະເທດ ນອກເໜືອຈາກຮົງກົງ, ມາເກົ້າ ແລະ ໄຕ້ຫວັນ ຍັງແຜ່ລະບາດໃນອີກ 24 ປະເທດໄດ້ແກ່: ໄທ, ຍີ່ປຸ່ນ, ສິງກະໂປ, ເກົາຫຼີໃຕ້, ອົດສະຕຣາລີ, ມາເລເຊຍ, ເຢຍລະມັນ, .ອາເມຣິກາ, ຝຣັ່ງ, ຫວຽດນາມ, ການາດາ, ສະຫະນະຄອນ ເອເມຣັດ ອາຣັບ, ອິຕາລີ, ລັດເຊຍ, ອັງກິດ, ກຳປູເຈຍ, ແຟງລັງ, ອິນເດຍ, ເນປານ, ຟິລິບປິນ, ແອັດສະປາຍ, ສີລັງກາ, ຊູແອດ ແລະ ແບນຊິກ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube