ອາຣັບບີ ຊາອູດິດເປີດສາກສົງຄາມນ້ຳມັນ ກັບ ລັດເຊຍເຮັດໃຫ້ລາຄານ້ຳມັນຫຼຸດລົງກວ່າ 25%

ລາຍງານ 9 ມີນາ 2020, ສັນຍາຊື້-ຂາຍລ່ວງໜ້ານ້ຳມັນດິບຕະຫຼາດເບຣນທະເລເໜືອລອນດອນປັບຕົວຫຼຸດລົງ 11.38 ໂດລາສະຫະລັດ ຫຼື ຫຼາຍເຖິງ 25% ໃນຕອນບ່າຍຂອງວັນຈັນນີ້ ຕາມເວລາທ້ອງຖິ່ນໃນຕະຫຼາດອາຊີ ເຫຼືອຢູ່ 33.89 ໂດລາສະຫະລັດຕໍ່ຖັງ, ແຕ່ເມື່ອຊ່ວງເຊົ້າຂອງວັນດຽວກັນປັບຕົວຫຼຸດລົງ 30% ຈາກລາຄາປິດຕະຫຼາດເມື່ອວັນສຸກທີ່ຜ່ານມາ ເຫຼືອຢູ່ 31.02 ໂດລາສະຫະລັດຕໍ່ຖັງ ຕ່ຳທີ່ສຸດນັບຕັ້ງແຕ່ວັນທີ 12 ກຸມພາ 2016.

ຂະນະທີ່ສັນຍາຊື້-ຂາຍລ່ວງໜ້ານ້ຳມັນດິບຕະຫຼາດໄລສະວິດຄຼູດ ຫຼື ເວສເທັກຊັສອິນເຕີມີດຽດ (WTO) ຂອງ ສ.ອາເມຣິກາປັບຕົວຫຼຸດລົງ 11.12 ໂດລາສະຫະລັດ ຫຼື 27% ເຫຼືອ 30.16 ໂດລາສະຫະລັດຕໍ່ຖັງ ໃນຕອນບ່າຍຂອງວັນຈັນນີ້ຕາມເວລາທ້ອງຖິ່ນໃນຕະຫຼາດອາຊີ ຫຼັງຈາກທີ່ກ່ອນໜ້ານັ້ນໃນວັນດຽວກັນຫຼຸງລົງໄປເຫຼືອພຽງ 27.34 ໂດລາສະຫະລັດຕໍ່ັງ ຕ່ຳທີ່ສຸດນັບຕັ້ງແຕ່ວັນທີ 12 ກຸມພາ 2016.

ໃນດ້ານຂອງນັກວິເຄາະຕີລາຄາວ່າມີຄວາມເປັນໄປໄດ້ທີ່ລາຄານ້ຳມັນດິບໃນຕະຫຼາດໂລກຕະຫຼຸດລົງອີກ ຈົນທຳລາຍສະຖິຕິຕ່ຳທີ່ສຸດເມື່ອເດືອນມັງກອນ 1992 ເຊິ່ງເປັນຊ່ວງສົງຄາມອ່າວເປີເຊຍ ໂດຍສະຖານະການມີທິດທາງຮຸນແຮງຂຶ້ນຕັ້ງແຕ່ທ້າຍອາທິດທີ່ຜ່ານມາ ເມື່ອກອງປະຊຸມອົງການກຸ່ມປະເທດຜູ້ສົ່ງອອກນ້ຳມັນ (ໂອເປັກ) ທີ່ມີອາຣັບບີ ຊາອູດິດເປັນແກນນຳ ພົບປະຫາລືກັບກຸ່ມປະເທດຜູ້ລິດນ້ຳມັນດິບລາຍໃຫຍ່ທີ່ບໍ່ແມ່ນສະມາຊິກໂອເປັກນຳໂດຍລັດເຊຍ ທີ່ສຳນັກງານໃຫຍ່ຂອງອົງການໂອເປັກ ໃນນະຄອນຫຼວງວຽນມາ ປະເທດໂອຕຼິດ ເພື່ອຫາຈຸດສົມດຸນອຸ້ມຕະຫຼາດ ທ່າມກາງວິກິດການແຜ່ລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ ຫຼື ໂລກໂຄວິດ-19 ທີ່ສົ່ງຜົນກະທົບຢ່າງໜັກໜ່ວງຕໍ່ອຸປະສົງການເດີນທາງລະຫວ່າງປະເທດດ້ວຍຍົນໂດຍສານ ທີ່ຫຼຸດຜ່ອນຄວາມຕ້ອງການໃຊ້ນ້ຳມັນ.

ເຖິງຢ່າງໃດກໍ່ຕາມ ອາຣັບບີ ຊາອູດິດ ກັບ ລັດເຊຍຕົກລົງກັນບໍ່ໄດ້ໃນເລື່ອງການຫຼຸດອຸປະທານໃນໄລຍະນີ້ ແລະ ການກຳນົດລາຄາຂາຍຂອງນ້ຳມັນດິບແຕ່ລະເກຣດ, ອາຣັບບີ ຊາອູດິດຈຶ່ງເປີດສາກ “ສົງຄາມລາຄາ” ດ້ວຍການຫຼຸດລາຄານ້ຳມັນດິບຂອງສັນຍາຊື້-ຂາຍລ່ວງໜ້າເດືອນເມສາ ລະຫວ່າງ 4-6 ໂດລາສະຫະລັດຕໍ່ຖັງໃນຕະຫຼາດອາຊີ, 7 ໂດລາສະຫະລັດຕໍ່ຖັງໃນຕະຫຼາດອາເມຣິກາ ແລະ 8 ໂດລາສະຫະລັດຕໍ່ຖັງໃນຕະຫຼາດເອີຣົບ ພ້ອມທັງກຽມເພີ່ມກຳລັງການຜະລິດທີ່ອາດສູງເຖິງ 12 ລ້ານຖັງຕໍ່ວັນ.

ເຊິ່ງຫາກໂອເປັກ ແລະ ກຸ່ມປະເທດນອກໂອເປັກບໍ່ສາມາດກັບມາປະນີປະນອມກັນໄດ້ອີກ ເພື່ອໃຫ້ລາຄານ້ຳມັນດິບຢູ່ໃນລະດັບປະມານ 30 ໂດລາສະຫະລັດຕໍ່ຖັງດົນເທົ່າໃດ ໂອກາດທີ່ເສດຖະກິດໂລກຈະປະເຊີນກັບພາວະເງິນຝືດຍິ່ງສູງ ແລະ ດົນນານຂຶ້ນເທົ່ານັ້ນ ເນື່ອງຈາກລາຄານ້ຳມັນດິບໃນຕະຫຼາດໂລກຄືໜຶ່ງໃນປັດໄຈສຳຄັນທີ່ກຳນົດອັດຕາເງິນເຟີ້, ຈຸດຢືນຂອງອາຣັບບີ ຊາອູດິດ ແລະ ລັດເຊຍຕໍ່ຈາກນີ້ຈຶ່ງຈຳເປັນຕ້ອງຕິດຕາມຢ່າງຍິ່ງວ່າຈະຫຼຸດ ຫຼື ຈະເພີ່ມປັດໄຈສ່ຽງໃຫ້ກັບຕະຫຼາດໂລກ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube