ປ.ທຣຳ ວ່າຫາກຕ້ອງການເດັດຫົວຜູ້ນຳເວເນຊູເອລາ ຈະທຳຢ່າງເປີດເຜີຍ ບໍ່ມີທາງສົ່ງພຽງທະຫານຮັບຈ້າງໄປ

ລາຍງານ 9 ພຶດສະພາ 2020, ທ່ານ ທາເຣັກ ວິນລຽມຊາບ ໄອຍະການສູງສຸດຂອງເວເນຊູເອລາ ກ່າວເມື່ອວັນສຸກ (8 ພຶດສະພາ) ທີ່ຜ່ານມາ ເລື່ອງການດຳເນີນຄະຄີໃນຂໍ້ຫາກໍ່ການຮ້າຍ, ລັກລອບເຄື່ອນຍ້າຍອາວຸດສົງຄາມ, ມີສ່ວນຮ່ວມກັບຂະບວນການອາຊະຍາກຳ ແລະ ສົມຮູ້ຮ່ວມຄິດເພື່ອລົ້ມລ້າງອຳນາດລັດ ກັບ 17 ບຸກຄົນ ທີ່ເຈົ້າໜ້າທີ່ຝ່າຍຄວາມໝັ້ນຄົງໄດ້ຈັບກຸມເມື່ອວັນອາທິດທີ 3 ພຶດສະພາ ທີ່ຜ່ານມາ ທີ່ລັດບາກັສ ທາງພາກເໜືອຂອງປະເທດ.

ເຊິ່ງຈາກຈຳນວນຜູ້ຕ້ອງຫາທັງໝົດມີ 2 ຄົນເປັນພົນລະເມືອງອາເມຣິກາຄືທ້າວ ລຸກ ເດນແມນ ອາຍຸ 34 ປີ ແລະ ທ້າວ ໄອແຣນ ແບຣີ ອາຍຸ 41 ປີ ທັງສອງຄົນໃຫ້ການຢືນຢັນກັບເຈົ້າໜ້າທີ່ສືບສວນສອບສວນວ່າ ເປັນທະຫານຮັບຈ້າງ ມີເປົ້າໝາຍຄືການລັກພາຕົວທ່ານ ນິໂຄລັສ ມາດູໂຣ ປະທານປະເທດເວເນຊູເອລາ ໄປຍັງ ສ.ອາເມຣິກາ, ໂດຍຫາກສານຕັດສິນວ່າມີຄວາມຜິດແທ້ ຜູ້ຕ້ອງຫາທັງໝົດຈະມີໂທດຖືກຕັດອິດສະຫຼະພາບລະຫວ່າງ 25-30 ປີ.

ນອກຈາກນີ້, ສຳນັກງານໄອຍະການສູງສຸດຂອງເວເນຊູເອລາໄດ້ຢືນຄຳຮ້ອງ ຂໍໃຫ້ສານອອກໝາຍຈັບລະຫວ່າງປະເທດຕໍ່ທ້າວ ຈໍແດນ ກູໂດຣ ອະດີດທະຫານອາເມຣິກາ ເຊິ່ງປັດຈຸບັນໄດ້ເປີດບໍລິສັດທີ່ລັດຟໍລິດາ ຊື່ບໍລິສັດ ຊິວເວີຄັອບ ໃຫ້ບໍລິການດ້ານທະຫານຮັບຈ້າງໂດຍສະເພາະ ໃນຖານະທີ່ທ້າວ ຈໍແດນ ກູໂດຣ ເປັນຜູ້ເຝິກຊ້ອມ ແລະ ຈ້າງວານທະຫານຮັບຈ້າງກຸ່ມນີ້ ເຊິ່ງມີຄົນເວເນຊູເອລາຮວມຢູ່ນຳ, ໂດຍໃນສ່ວນຂອງຄົນເວເນຊູເອລາຈະມີການສືບສ່ວນສອບສວນເພີ່ມ ໃນຖານໃຫ້ການຮ່ວມມືກັບລັດຖະບານຕ່າງປະເທດ.

ໃນດ້ານຂອງທ່ານ ໂດໂນ ທຣຳ ປະທານປະເທດ ສ.ອາເມຣິກາ ໄດ້ສະແດງຄວາມຄິດເຫັນຕໍ່ສະຖານະການດັ່ງກ່າວເປັນຄັ້ງທຳອິດ ພາຍຫຼັງທີ່ທ່ານ ນິໂຄລັສ ມາດູໂຣກ່າວວ່າ ລັດຖະບານ ສ.ອາເມຣິກາຢູ່ເບື້ອງຫຼັງການກໍ່ລັດຖະປະທານທີ່ລົ້ມແຫຼວໃນຄັ້ງນີ້ ວ່າຫາກຕົນຕ້ອງການຮຸກຮານເວເນຊູເອລາ ເພື່ອຈັບຕົວທ່ານ ນິໂຄລັສ ມາດູໂຣ ຄຳສັ່ງຂອງຕົນຈະຕ້ອງເປັນການລົງມືຢ່າງເປີດເຜີຍເທົ່ານັ້ນ ບໍ່ມີທາງສົ່ງພຽງອະດີດທະຫານຮັບຈ້າງກຸ່ມນ້ອຍໆແບບນີ້ແນ່ນອນ.

ຂະນະທີ່ກອງທັບ ສ.ອາເມຣິກາໃຫ້ຂໍ້ມູນພຽງວ່າ ພົນລະເມືອງທັງສາມຄົນທີ່ລັດຖະບານເວເນຊູເອລາກ່າວວ່າ ເປັນອະດີດເຈົ້າໜ້າທີ່ສັງກັດໜ່ວຍຮົບພິເສດກຣີນເບີເຣ ແລະ ເຄີຍປະຈຳການໃນອິຣັກ, ສ່ວນທ່ານ ໄມ ພອມແພວ ລັດຖະມົນຕີ ກະຊວງການຕ່າງປະເທດ ສ.ອາເມຣິກາ ຢືນຢັນວ່າລັດຖະບານ ສ.ອາເມຣິກາ ຈະທຳທຸກວິຖີທາງເພື່ອຊ່ວຍເຫຼືອຄົນລະເມືອງ 2 ຄົນທີ່ຖືກຈັບກຸມນັ້ນໃຫ້ໄດ້.