ການປະທ້ວງຂອງຄົນຜິວສີໃນມິນນິແອໂພລິສ ໄດ້ລຸກລາມບານປາຍໄປທົ່ວອາເມຣິກາ

ລາຍງານ 30 ພຶດສະພາ 2020, ເຖິງແມ່ນວ່າເຈົ້າໜ້າທີ່ສືບສວນສອບສວນຢືນຢັນການດຳເນີນຄະດີອາຍາ ຂໍ້ຫາຄາຕະກຳ ໂດຍບໍ່ມີເຈດຕະນາຕໍ່ກັບທ້າວ ເດເຣັກ ຊໍວິນ ອະດີດຕຳຫຼວດສັງກັດຢູ່ເມືອງມິນນີແອໂພລິສ ຈາກເຫດການທີ່ທ້າວ ຊໍວິນ ເຊິ່ງເປັນຄົນຜິດວຂາວ ໃຫ້ຫົວເຂົ່າກົດລົງໄປດ້ານຫຼັງຄໍຂອງທ້າວ ຈອສ ຟລອຍ ຊາຍຊາວອາຟຣິກາ-ອາເມຣິກາ ອາຍຸ 46 ປີ ໃນລະຫວ່າງທີ່ເຂົ້າຈັບກຸມທ້າວ ຟລອຍ ຂໍຫາພະຍາຍາມໃຊ້ເງິນປອມເພື່ອຊື້ເຄື່ອງ ເມື່ອວັນທີ 25 ພຶດສະພາ ທີ່ຜ່ານມາ ແລະ ຟລອຍເສຍຊີວິດໃນມື້ດຽວກັນ.

ເຖິງຢ່າງໃດກໍ່ຕາມ, ປະຊາຊົນຈຳນວນຫຼາຍໃນເມືອງມິນນິແອໂພລິສຍັງຄົງບໍ່ພໍໃຈກັບການເຄື່ອນໄຫວຂອງເຈົ້າໜ້າທີ່ສືບສວນສອບສວນ ໂດຍຕ້ອງການໃຫ້ມີການຕັ້ງຂໍ້ຫາເຈດຕະນາຂ້າໂດຍມີການໄຕ່ຕອງຫຼາຍກວ່າ ແລະ ຮຽກຮ້ອງໃຫ້ຜູ້ຕ້ອງສົງໄສອີກ 3 ຄົນ ທີ່ເປັນອະດີຕຳຫຼວດເຊັ່ນກັນ ເຂົ້າສູ່ຂະບວນການຍຸຕິທຳດ້ວຍ ບັນຍາກາດພາຍໃນເມືອງຈຶ່ງເຄັ່ງຕຶງຢ່າງໜັກ.

ເຖິງແມ່ນວ່າທ່ານ ຈາຄັອບ ເຟຣ ເຈົ້າເມືອງມິນນີແອໂພລິສ ປະກາດພາວະສຸກເສີນຕັ້ງແຕ່ເວລາ 20:00 ໂມງ ເຖິງ 06:00 ໂມງ ຕາມເວລາທ້ອງຖິ່ນ ລະຫວ່າງວັນສຸກ ເຖິງ ວັນເສົາທີ 30 ພຶດສະພາ ແຕ່ຜູ້ປະທ້ວງສ່ວນໃຫຍ່ບໍ່ສົນໃຈຄຳສັ່ງດັ່ງກ່າວ ຍັງຄົງເດີນໜ້າປະທ້ວງ ແລະ ປະທະກັບຕຳຫຼວດປາບຈະລາຈົນ ພ້ອມທັງທຳລາຍຊັບສິນສາທາລະນະທັງການຈູດລົດ ແລະ ທຸບແວ່ນແກ້ວຮ້ານຄ້າ ໂດຍມີເຈົ້າໜ້າທີ່ກອງກຳລັງປົກປ້ອງມາຕຸພູມເຄັ່ງກຳລັງສັງເກດການ.

ຂະນະທີ່ໃນເມືອງໃຫຍ່ອີກຫຼາຍແຫ່ງຂອງ ສ.ອາເມຣິກາ ກໍ່ເກີດການປະທ້ວງຕໍ່ເນື່ອງກ່ຽວກັບການເສຍຊີວິດຂອງຟລອຍ ບໍ່ວ່າຈະເປັນທີ່ນະຄອນນິວຢອກ, ນະຄອນລອສແອນເຈລິສ, ນະຄອນລາສເວກັສ, ເມືອງເດນເວີ ແລະ ເມືອງຟິນິກ ນອກຈາກນີ້ ທີ່ເມືອງແອດແລນຕາ ເມືອງເອກຂອງລັດຈໍເຈຍມີລາຍງານການເກີດຄວາມຮຸນແຮງ ລວມເຖິງການທີ່ຜູ້ປະທ້ວງຈຳນວນໜຶ່ງທຳລາຍຊັບສິນໜ້າສຳນັກງານໃຫຍ່ຂອງສະຖານີໂທລະພາບ CNN ແລະ ການປະທະກັບຕຳຫຼວດ.

ໃນດ້ານຂອງນາງ ເບີນິສ ຄິງ ລູກສາວຂອງທ່ານ ມາຕິນ ລູເທິ ຄິງ ຈູເນຍ ນັກເຄື່ອນໄຫວຊື່ດັ່ງຜູ້ລ່ວງລັບ ທີ່ຕໍ່ສູ້ເພື່ອສິດທິພົນລະເມືອງຊາວອາຟຣິກາ-ອາເມຣິກາ ກ່າວຂໍໃຫ້ຜູ້ປະທ້ວງໃນແອດແລນຕາ ເຊິ່ງເປັນບ້ານເກີດຂອງຄິງ ເຄື່ອນໄຫວໂດຍໃຊ້ຫຼັກສັນຕິຕາມແນວທາງຂອງພໍ່ຕົນ ເພາະການໃຊ້ຄວາມຮຸນແຮງບໍ່ມີທາງຊະນະ.

ໃນດ້ານຂອງທ່ານ ໂດໂນ ທຣຳ ປະທານປະເທດ ສ.ອາເມຣິກາ ກ່າວວ່າຕົນໄດ້ມີໂອກາດສົນທະນາທາງໂທລະສັບກັບຄອບຄົວຂອງຟລອຍ ແລະ ຢືນຢັນວ່າລັດຖະບານບໍ່ໄດ້ນິ້ງນອນໃຈກັບເລື່ອງນີ້ ໂດຍທ່ານ ວິນລຽມ ບາ ລັດຖະບານຕີກະຊວງຍຸຕິທຳ ໄດ້ມີການສືບສວນສອບສວນຄູ່ຂະໜານວ່າຜູ້ຕ້ອງຫາລະເມີດກົດໝາຍດ້ານສິດທິພົນລະເມືອງຂໍໃດຫຼືບໍ່ ແລະ ເຕືອນຜູ້ປະທ້ວງຢ່າເປັນອັນຕະພານ, ນອກຈາກນີ້ ທຳນຽມຂາວຍັງໄດ້ຍົກລະດັບມາດຕະການຮັກສາຄວາມປອດໄພເັນຂັ້ນສູງສຸດຫຼາຍຊົ່ວໂມງ ເມື່ອວັນສຸກທີ່ຜ່ານມາ ເພາະມີຜູ້ປະທ້ວງໂຮມນຸມຊຸມນອກຮົ້ວທຳນຽບຂາວ.

HTML tutorial