ກິນເຜັດດີ ຫຼື ບໍ່ດີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEix68Y6qQkocRl9UNaLikxV8CTkz4Ck1OeALegSQ9REoQAJKgi0HS5li8c8Ebg3SKu9yl4sPiVEaOr-B-mcWrcf5P9aLMJLwG7ZfFGOL9YtTMfsTuC3ZpyEq_whOfwQGKY8x8maA9PxoT0/s640/spicy-835393_1920.jpg)
![](https://blogger.googleusercontent.com/img/b/R29vZ2xl/AVvXsEhYe7f7E-KRN5w-GR0l6vZPeE5kHqDGNFPF5j6nvcentNENmLdDHMVvUpVGiDQjiV5jhKwuaQnukuDI5gYAQCNikWSThkA24NmSpUv_lSgRmZQNomTpV_xBIVq6zgX6EkYmVpcd-OUFctg/s400/spicy-835393_1920.jpg)
ປົກກະຕິແລ້ວອາຫານລົດເຜັດຈະມີໝາກເຜັດເປັນສ່ວນປະກອບ ແລ້ວໃນໝາກເຜັດມີສານແຄບໄຊຊິນ ເຊິ່ງຈະມີຢູ່ຫຼາຍທີ່ສຸດບໍລິເວນແກນກາງຂອງໝາກເຜັດ ເຊິ່ງເຮັດໃຫ້ອາຫານມີທັງປະໂຫຍດ ແລະ ໂທດຕໍ່ຮ່າງກາຍ
ຂໍ້ເສຍຂອງການກິນເຜັດ
- ຄວາມສ່ຽງຕໍ່ໂລກຫົວໃຈ ອັນເປັນຜົນມາຈາກການເຮັດວຽກໜັກຂອງຫົວໃຈ ເພາະລົດເຜັດຈະຊ່ວຍເພີ່ມການໝູນວຽນຂອງຮ່າງກາຍຫຼາຍຂຶ້ນ ເຊິ່ງຈຸດນີ້ຄົນທີ່ເປັນໂລກຫົວໃຈຈະຂ້ອນຂ້າງສ່ຽງກັບການກິນເຜັດ
- ນ້ຳໜັກອາດເພີ່ມ ເພາະການກິນເຜັດເຮັດໃຫ້ຈະເລີນອາຫານ
- ໂລກກະເພາະອາຫານ ອາຫານລົດເຜັດຈະກະຕຸ້ນໃຫ້ກະເພາະມີການສ້າງກົດອອກມາຫຼາຍຂຶ້ນເຮັດໃຫ້ທ້ອງອືດ, ແສບທ້ອງ, ເຈັບທ້ອງ ເວລາຂັບຖ່າຍກໍ່ແສບ
ສ່ວນປະໂຫຍດຂອງການກິນເຜັດນັ້ນກໍ່ມີເຊັ່ນກັນ
- ຫຼຸດຄວາມສ່ຽງການເປັນມະເຮັງ ເພາະໃນໝາກເຜັດມີວິຕາມິນຊີຫຼາຍ ເຊິ່ງວິຕາມິນຊີມີຜົນໂດຍກົງໃນການຊ່ວຍປ້ອງກັນການເກີດມະເຮັງ ເພາະມີສ່ວນໃນການຢຸດການສ້າງໄຕຣຊາມີນ ເຊິ່ງເປັນສານກໍ່ມະເຮັງ
- ຫຼຸດການອຸດຕັ້ນຂອງເສັ້ນເລືອດ ເມື່ອຫົວໃນເຮັດວຽກຫຼາຍຂຶ້ນເນື່ອງຈາກການໄຫຼວຽນທີ່ດີກໍ່ຈະຫຼຸດຄວາມສ່ຽງຂອງໄຂມັນອຸດຕັນໃນເສັ້ນເລືອດໄປໃນຕົວ
- ສົດຊື່ນ ຜົນຈາກສານແຄບໄຊຊິນ ເຮັດໃຫ້ຮ່າງກາຍຫຼັ່ງເຫື່ອ ແລະ ຊ່ວຍໃຫ້ຮ່າງກາຍຜະລິດສານເອນດໍຟິນ ຫຼື ສານແຫ່ງຄວາມສຸກ
- ຊ່ວຍຫຼຸດຜ່ອນອາການຕັນດັງ ເພາະສານແຄບໄຊຊິນ ມີຄຸນສົມບັດຊ່ວຍຫຼຸດຂີ້ມູກ ແລະ ສານທີ່ຂວາງລະບົບທາງເດີນຫາຍໃຈຂອງເຮົາ ແລະ ສານຕົວນີ້ຍັງເປັນສ່ວນປະກອບທີ່ສຳຄັນໃນຢາຫຼາຍຊະນິດ
- ຊ່ວຍລະບົບເຜົາຜານໃຫ້ເຮັດວຽກໄດ້ຢ່າງມີປະສິດທິພາບ
- ປະໂຫຍດຈາກວິຕາມິນຊີທີ່ມີຫຼາຍໃນໝາກເຜັດ ເຮັດໃຫ້ຊ່ວຍເສີມສ້າງຄໍລະເຈນໃນຮ່າງກາຍ ຊ່ວຍຮັກສາເລືອດອອກຕາມວ່າງແຂ້ວ ແລະ ຊ່ວຍບຳລຸງສາຍຕາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ