ຊ່ວງເວລາທີ່ບໍ່ຄວນອອກກຳລັງກາຍ ຖ້າຝືນມີແຕ່ເສຍກັບເສຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgKh_Tt94F19nPtuWC6qShO9-IjkMI8jajGHvKqhOpQmy5aFrQlqhDiNVNRGuL5xwlIfqznUXPFoGgJ-HEW9J0dg979_0oAlBs1XZgL0UajG_Zm8q8LMZMXdZ4ERCnkdS-RGQTB3u_JFvM/s1200/%25E0%25BA%25AD%25E0%25BA%25AD%25E0%25BA%2581%25E0%25BA%2581%25E0%25BA%25B3%25E0%25BA%25A5%25E0%25BA%25B1%25E0%25BA%2587%25E0%25BA%2581%25E0%25BA%25B2%25E0%25BA%258D.jpg)
![](https://blogger.googleusercontent.com/img/b/R29vZ2xl/AVvXsEgKh_Tt94F19nPtuWC6qShO9-IjkMI8jajGHvKqhOpQmy5aFrQlqhDiNVNRGuL5xwlIfqznUXPFoGgJ-HEW9J0dg979_0oAlBs1XZgL0UajG_Zm8q8LMZMXdZ4ERCnkdS-RGQTB3u_JFvM/s400/%25E0%25BA%25AD%25E0%25BA%25AD%25E0%25BA%2581%25E0%25BA%2581%25E0%25BA%25B3%25E0%25BA%25A5%25E0%25BA%25B1%25E0%25BA%2587%25E0%25BA%2581%25E0%25BA%25B2%25E0%25BA%258D.jpg)
ເຖິງແມ່ນວ່າການອອກກຳລັງການຈະເປັນເລື່ອງທີ່ດີຕໍ່ສຸຂະພາບ ແຕ່ວ່າມັນກໍ່ມີຂໍ້ຫ້າມທີ່ຄວນລະວັງ ເພາະວ່າການອອກກຳລັງກາຍໃນຊ່ວງທີ່ຮ່າງກາຍບໍ່ພ້ອມ ແທນທີ່ຈະໄດ້ປະໂຫຍດ ມັນອາດຈະກາຍເປັນໄພທີ່ເຮັດໃຫ້ຮ່າງກາຍເສຍຫາຍໄດ້ ດັ່ງນັ້ນ, ຈຶ່ງໄດ້ລວບລວມເອົາຊ່ວງເວລາທີ່ບໍ່ຄວນອອກກຳລັງກາຍມາຝາກ:
- ເມື່ອເຮົາບໍ່ສະບາຍ
ເຖິງແມ່ນວ່າເຮົາຈະຢາກອອກກຳລັງກາຍ ແຕ່ຖ້າຮູ້ໂຕວ່າຈະເປັນໄຂ້ ຫຼື ຮ່າງກາຍບໍ່ພ້ອມກໍ່ຢຸດກ່ອນ ໂດຍສະເພາະຢ່າງຍິ່ງຖ້າເປັນໄຂ້ ຫຼື ມີອາການອັກເສບຢູ່ສ່ວນໃດສ່ວນໜຶ່ງຂອງຮ່າງກາຍ
- ຫຼັງເປັນໄຂ້ຫາກໍ່ເຊົາ
ສາເຫດທີ່ບໍ່ຄວນອອກກຳລັງກາຍຊ່ວງນີ້ກໍ່ຄືຮ່າງກາຍຂອງເຮົານັ້ນຍັງມີຄວາມອ່ອນເພຍຢູ່ ຫາກອອກກຳລັງກາຍໃນຊ່ວງນີ້ ຈະເຮັດໃຫ້ຮ່າງກາຍຍິ່ງອ່ອນເພຍ ແລະ ນານເຊົາ ເພາະໃຊ້ຮ່າງກາຍເກີນກຳລັງ
- ຫຼັງຈາກກິນອາຫານ
ເປັນສິ່ງທີ່ບໍ່ຄວນເປັນຢ່າງຍິ່ງ ເພາະວ່າມັນເຮັດໃຫ້ລະບົບໄຫຼວຽນຂອງເລືອດຖືກແບ່ງໄປໃຊ້ໃນການຍ່ອຍອາຫານ ເພາະສະນັ້ນ, ເລືອດທີ່ຈະໄປລ້ຽງກ້າມເນື້ອສ່ວນທີ່ອອກກຳລັງກາຍກໍ່ຈະຫຼຸດລົງເຮັດໃຫ້ກ້າມເນື້ອຂາດສະມັດຕະພາບ ແລະ ເຮັດໃຫ້ຈັງ, ມຶນຊາ ນຳອີກ
- ຊ່ວງອາກາດຮ້ອນ ແລະ ອົບເອົ້າ
ການອອກກຳລັງກາຍເຮັດໃຫ້ຮ່າງກາຍເຮົາຮ້ອນຢູ່ແລ້ວ ແລະ ຍິ່ງໄປອອກກຳລັງກາຍໃນຊ່ວງທີ່ຮ້ອນອົບເອົ້ານຳອີກ ຮ່າງກາຍຈະສູນເສຍເຫື່ອ ແລະ ນໍ້າຫຼາຍກວ່າປົກກະຕິ ເຮັດໃຫ້ຮ່າງກາຍອ່ອນເພຍ, ເມື່ອຍງ່າຍ ຫຼື ເປັນລົມໝົດສະຕິໄປກໍ່ມີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ