ຈະແກ້ໄຂສະພາບການສັນຈອນແອອັດໃນຕົວເມືອງໃຫ້ເບົາບາງລົງໃຫ້ໄດ້ໃນປີ 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjiZk_tWXQXLhqfQn-QHj-IM3wKdxMpdifnBF7Zpvbw63Ln_3EBxb3wlv7lC4VcYpCTnwueeWOxsaL6LjxWqCHliQ8RG2ZDSxqidzp1n5hFGd0EU8FVr_8uTspuG7NmFbIANVorOYWqg_w/s1200/%25E0%25BA%2595%25E0%25BA%25B3%25E0%25BA%25AB%25E0%25BA%25BC%25E0%25BA%25A7%25E0%25BA%2594%25E0%25BA%2588%25E0%25BA%25B2%25E0%25BA%25A5%25E0%25BA%25B0%25E0%25BA%2588%25E0%25BA%25AD%25E0%25BA%2599.jpeg)
![](https://blogger.googleusercontent.com/img/b/R29vZ2xl/AVvXsEjiZk_tWXQXLhqfQn-QHj-IM3wKdxMpdifnBF7Zpvbw63Ln_3EBxb3wlv7lC4VcYpCTnwueeWOxsaL6LjxWqCHliQ8RG2ZDSxqidzp1n5hFGd0EU8FVr_8uTspuG7NmFbIANVorOYWqg_w/s400/%25E0%25BA%2595%25E0%25BA%25B3%25E0%25BA%25AB%25E0%25BA%25BC%25E0%25BA%25A7%25E0%25BA%2594%25E0%25BA%2588%25E0%25BA%25B2%25E0%25BA%25A5%25E0%25BA%25B0%25E0%25BA%2588%25E0%25BA%25AD%25E0%25BA%2599.jpeg)
ໜັງສືພິມລາວພັດທະນາ ລາຍງານ: ກະຊວງໂຍທາທິການ ແລະ ຂົນສົ່ງໃຫ້ຮູ້ວ່າ ປັດຈຸບັນເຖິງສະພາບການສັນຈອນໃນນະຄອນຫຼວງຈະມີຄວາມແອອັດຕິດຕໍ່ກັນແກ່ຍາວຫຼາຍຂຶ້ນ, ໂດຍສະເພາະຕາມຈຸດສາມແຍກ, ສີ່ແຍກໃນເວລາເລັ່ງດ່ວນສົ່ງຜົນໃຫ້ການສັນຈອນພົບຄວາມຫຍຸ້ງຍາກ ແລະ ບັນຫາອຸປະຕິເຫດກໍ່ນັບມື້ນັບເພີ່ມຂຶ້ນ ເຊິ່ງສາເຫດຕົ້ນຕໍແມ່ນມາຈາກພາຫະນະເພີ່ມຂຶ້ນສະເລ່ຍ 15% ຕໍ່ປີ ເຫັນໄດ້ຈາກຕົວເລກ 6 ປີຜ່ານມາສະເພາະນະຄອນຫຼວງວຽງຈັນມີພາຫະນະເພີ່ມຂຶ້ນເກືອບ 8 ແສນຄັນ.
ສ່ວນການພັດທະນາເສັ້ນທາງຍັງຢູ່ໃນຂອບເຂດຈຳກັດບວກກັບການຈອດລົງຊະຊາຍຕາມແຄມທາງມີແຜ່ຫຼາຍ ຜູ້ຂັບຂີ່ຈຳນວນບໍ່ໜ້ອຍຍັງບໍ່ຕື່ນຕົວປະຕິບັດກົດລະບຽບຈະລາຈອນດີເທົ່າທີ່ຄວນ, ຄະນະດຽວກັນການຄຸ້ມຄອງລະບົບການຈະລາຈອນຍັງບໍ່ທັນເປັນລະບົບຄົບຊຸດ ເຊິ່ງໃນໄລຍະຜ່ານມາມາດຕະການແກ້ໄຂກໍ່ເຮັດໄດ້ພຽງສະເພາະໜ້າເທົ່ານັ້ນ.
ດັ່ງນັ້ນ, ເພື່ອຢາກແກ້ໄຂສະພາບແອອັດດັ່ງກ່າວໃຫ້ໄດ້ໃນໄລຍະຍາວຂະແໜງກ່ຽວຂ້ອງຕ້ອງໄດ້ສຶກສາໃຫ້ລະອຽດ ເພື່ອໃຫ້ສາມາດກຳນົດທາງຂຶ້ນທາງລ່ອງ, ທາງລ້ຽວຂວາ-ລ້ຽວຊ້າຍຄືນໃໝ່ ພ້ອມກັບປັບປຸງປ້າຍຫ້າມ, ປ້າຍເຕືອນຕ່າງໆ ແລະ ຖ້າຫາກບ່ອນໃດຈຳເປັນກໍ່ຈະຕ້ອງໄດ້ຕິດຕັ້ງໄຟອຳນາດເພີ່ມຕາມຈຸດສາມແຍກສີ່ແຍກຕ່າງໆ ຖ້າຈຳເປັນກໍ່ຈະຕ້ອງຈັດສັນໂມງເຂົ້າຮຽນກ່ອນໂມງລັດຖະການ, ເພີ່ມລົດເມສາທາລະນະ ເພື່ອຫຼຸດຜ່ອນການນຳໃຊ້ລົດສ່ວນຕົວ ແລະ ໃນໄລຍະຍາວກໍ່ຍັງຕ້ອງເພີ່ມການລົງທຶນໃສ່ການສ້າງລະບົບຂົນສົ່ງທີ່ດີຂຶ້ນ, ປັບປຸງພື້ນຖານໂຄງລ່າງເສັ້ນທາງໃຫ້ໄດ້ມາດຕະຖານ, ສ້າງຈຸດບໍລິການຈອດລົງໃນຕົວເມືອງໃຫ້ພຽງພໍ, ຄວບຄຸມການປຸກສ້າງໃກ້ກັບຈຸດສາມແຍກສີ່ແຍກຕາມກົດໝາຍຜັງເມືອງ, ສ້າງຕັ້ງສູນຄວບຄຸມລະບົບຈະລາຈອນ ແລະ ມາດຕະການຈຳກັດການນຳເຂົ້າລົດ ເຊິ່ງຄາດວ່າການຈັດຕັ້ງປະຕິບັດແຜນການດັ່ງກ່າວຈະໃຫ້ສຳເລັດໃນປີ 2018 ແລະ ຊ່ວຍແກ້ໄຂສະພາບການສັນຈອນແອອັດໃນຕົວເມືອງໄດ້ໂດຍພື້ນຖານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ