ດ່ວນ...! ສະຫະລັດອາເມຣິກາ ທົດສອບຂີປະນາວຸດຂ້າມທະວີບ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgvsDiWc_CMVWKlcX8japoQSm_S946yjGbGMX3pBazDgpn8yXrrxOLpBYtYhgXmRD1tS5NJCoDM6rQGW7VC65fokv8XqjMGvKYhU4JMjW56sGihXGoSbMudDNEcd3BUqOLSPsKyOjnLybA/s1600/637.jpg)
ສຳນັກຂ່າວ RT ລາຍງານ 26 ເມສາ 2017 ວ່າ: ເມື່ອເວລາ 12:03 ນາທີ ຕາມເວລາທ້ອງຖິ່ນ ສະຫະລັດໄດ້ທົດສອບຂີປະນາວຸດຂ້າມທະວີບ Minuteman III ຈາກຖານທັບອາກາດແວນແດນເບີກ ໃນລັດຄາລິຟໍເນຍ
ຂີປະນາວຸດຂ້າມທະວີບ Minuteman III ມີໄລຍະການຍິງຢ່າງໜ້ອຍ 5,500 ກິໂລແມັດ ແລະ ມີຄວາມໄວກວ່າ 23,000 ກິໂລແມັດຕໍ່ຊົ່ວໂມງ ຫຼື ສາມາດເດີນທາງຈາກນະຄອນຫຼວງຂອງລັດເຊຍເຖິງສະຫະລັດໃນເວລາໜ້ອຍກວ່າ 30 ນາທີ.
ການທົດສອບຂີປະນາວຸດຂ້າມທະວີບ ຄັ້ງນີ້ເກີດຂຶ້ນທ່າມກາງຄວາມເຄັ່ງຕຶງໃນແຫຼມເກົາຫຼີ ດ້ານໂຄສົກກອງບັນຊາການເພື່ອການໂຈມຕີທົ່ວໂລກຂອງກອງທັບອາກາດສະຫະລັດໄດ້ອອກມາເປີດເຜີຍວ່າ ການທົດສອບຂີປະນາວຸດຂ້າມທະວີບຄັ້ງນີ້ ເປັນໄປຕາມກຳນດການທີ່ໄດ້ຖືກວາງໄວ້ລ່ວງໜ້າ ແລະ ບໍ່ມີສ່ວນກ່ຽວຂ້ອງກັບສະຖານະການໃນແຫຼມເກົາຫຼີ ພ້ອມທັງຢໍ້າວ່າ ກອງທັບສະຫະລັດ ທົດສອບຂີປະນາວຸດເປັນປະຈຳສະໝໍ່າສະເໝີ.
ເຖິງຢ່າງໃດກໍ່ຕາມ ຫຼາຍຝ່າຍໄດ້ຕັ້ງຂໍ້ສົງເສດວ່າ ການທົດສອບຂີປະນາວຸດຂ້າມທະວີຂອງສະຫະລັດໃນຄັ້ງນີ້ ເກີດຂຶ້ນຂະນະທີ່ກອງທັບສະຫະລັດ ແລະ ເກົາຫຼີໃຕ້ກຳລັງຢູ່ລະຫວ່າງການຊ້ອມຮົບຮ່ວມກັນເປັນເວລາ 11 ວັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ