ສອງເກົາຫຼີຮວມຊາດພາຍໃຕ້ຄັນທຸງຜືນດຽວກັນ ໃນໂອລິມປິກລະດູໜາວ ທີ່ປຽງຊາງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiiNpFyWtAMxGojCluH5I_sUeOWFU0N1_GsAFf8A3zGy9d8KBgBTFyJNG63NOuJWL5TSK1HcUJjQOVelZXtBTJIoRGqSJS4hApmNLOP0FMrf2GzFCpNa-bfzLeXoijoTmOWD1OKQ2xpI8Ga/s1600/326.jpg)
![](https://blogger.googleusercontent.com/img/b/R29vZ2xl/AVvXsEiKeXgrcI1kBegMdbPU3tzmD129Woo0A11yAIPFAIufbPxw4iNYqowAngrVqlgliR4TPv9Rx3CWJGBXbqSHHC0IjwUi-qkbuQUyHDKsjHLIWKJ4d6nQwBrBHMLjnJ2f7e6q8itYRV6szqPh/s1600/324.jpg)
ສຳນັກຂ່າວຕ່າງປະເທດລາຍງານເມື່ອວັນທີ 17 ມັງກອນ 2018 ວ່າ: ເກົາຫຼີເໜືອ ແລະ ເກົາຫຼີໃຕ້ອອກຖະແຫຼງການຮ່ວມກັນວ່າ ທັງສອງປະເທດເຫັນດີຮ່ວມກັນທີ່ຈະຮວມທີມຮັອກກີເພດຍິງ ສຳລັບການແຂ່ງຂັນກີລາໂອລິມປິກລະດູໜາວທີ່ເມືອງປຽງຊາງຂອງເກົາຫຼີໃຕ້ ໃນເດືອນກຸມພາທີ່ຈະມາເຖິງນີ້ ແລະ ຈະເດີນຂະບວນເຂົ້າສູ່ສະໜາມພາຍໃຕ້ຄັນທຸງເອກະພາບຜືນດຽວກັນໃນພິທີເປີດການແຂ່ງຂັນ.
![](https://blogger.googleusercontent.com/img/b/R29vZ2xl/AVvXsEjnBLz8SdpsDRp9lRdWaSE65tqbnKF_qn7x0cEFybu_EoOJcmanqy-vsXNq7VHufiAuvXuyz_gJvHz-1SQFeWdHZXmeFviWgLGi8YMPeaMXKVI0hmYStsOH_zaTwZ0rRzwn0IIjmrJH5_q4/s1600/325.jpg)
ໂດຍເກົາຫຼີເໜືອຈະສົ່ງຄະນະຜູ້ແທນ ທີ່ປະກອບດ້ວຍສະມາຊິກ 550 ຄົນ ລວມທັງກອງເຊຍ 230 ຄົນ, ນັກສະແດງ 140 ຄົນ ແລະ ນັກກີລາເທັກຄວັນໂດ 30 ຄົນ ເດີນທາງໄປຍັງເກົາຫຼີໃຕ້ໃນວັນທີ 25 ມັງກອນ 2018 ນີ້, ການລົງຕົກດັ່ງກ່າວ ຈະເຮັດໃຫ້ສອງເກົາຫຼີຮວມທີມນັກກີລາເຂົ້າກັນເປັນຄັ້ງທຳອິດໃນຮອບ 27 ປີ ນັບຕັ້ງແຕ່ການແຂ່ງຂັນປິ່ງປ໋ອງຊິງແຊັມໂລກເມື່ອປີ 1991 ແລະ ການແຂ່ງຂັນເຕະບານຊິງແຊັມເຍົາວະຊົນໂລກຂອງສະຫະພັນບານເຕະສາກົນ ຫຼື FIFA ແຕ່ການຮວມທີມນັກກີລາຄັ້ງຫຼ້າສຸດນີ້ ຖືເປັນຄັ້ງທຳອິດໃນປະຫວັດສາດໂອລິມປິກ.
ໜັງສືພິມໂຊຊຸນລາຍງານຄຳກ່າວຂອງລັດຖະມົນຕີກະຊວງວັດທະນະທຳ, ກີລາ ແລະ ການທ່ອງທ່ຽວຂອງເກົາຫຼີໃຕ້ວ່າ ທີ່ຜ່ານມານັກກີລາຈາກສອງເກົາຫຼີເຄີຍເດີນຂະບວນເຂົ້າສູ່ສະໜາມຮ່ວມກັນໃນການແຂ່ງຂັນກີລາລະດັບສາກົນມາແລ້ວ 9 ຄັ້ງ.
ເຖິງແມ່ນວ່າເກົາຫຼີເໜືອ ແລະ ເກົາຫຼີໃຕ້ຈະມີການເຮັດຂໍ້ຕົກລົງຮ່ວມກັນແລ້ວກໍ່ຕາມ ແຕ່ການຕັດສິນໃຈສຸດທ້າຍຈະຂຶ້ນຢູ່ກັບຄະນະກຳມະການໂອລິມປິກສາກົນ ເຊິ່ງຈະເປັນເຈົ້າພາບຈັດກອງປະຊຸມກັບສອງເກົາຫຼີທີ່ປະເທດສະວິດໃນວັນເສົານີ້ ເພື່ອປຶກສາຫາລືເຖິງຄວາມເປັນໄປໄດ້ໃນການຮວມສອງເກົາຫຼີໃຫ້ເປັນທີມດຽວກັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ