NATO ເຝິກຊ້ອມຮົບທາງອາກາດ ຄູ່ຂະໜານໄປກັບການຊ້ອມຮົບຄັ້ງຍິ່ງໃຫຍ່ທີ່ສຸດຂອງລັດເຊຍ ຮ່ວມກັບຈີນ ແລະ ມົງໂກລີ

NATO ເຝິກຊ້ອມຮົບທາງອາກາດ

ສຳນັກຂ່າວຕ່າງປະເທດລາຍງານ 14 ສິງຫາ 2018 ວ່າ: ປະເທດສະມາຊິກອົງການສົນທິສັນຍາອາກລັງຕິກເໜືອ (NATO) ໄດ້ມີການເຝິກຊ້ອມຮົບທາງອາກາດ ທີ່ເປັນການຈຳລອງສະຖານະການການບິນປະກົບເພື່ອສະກັດຍົນແປກປອມທີ່ເຂົ້າມາໃນນ່ານຟ້າ ໂດຍສະຖານທີ່ເຝິກຊ້ອມຄືເຂດນ່ານຟ້າຕັ້ງແຕ່ປະເທດແອັດສະປາຍກັບແບນຊິກ ຂຶ້ນເໜືອໄປຈົນເຖິງເຢຍລະມັນ.

ໃນອີກດ້ານໜຶ່ງ, ລັດເຊຍ ຮ່ວມກັບຈີນ ແລະ ມົງໂກລີ ກໍ່ກຳລັງເຝິກຊ້ອມຮົບຄັ້ງຍິ່ງໃຫຍ່ທີ່ສຸດນັບຕັ້ງແຕ່ສິ້ນສຸດສົງຄາມເຢັນ ດ້ວຍກຳລັງພົນລວມກັນຫຼາຍກວ່າ 300,000 ຄົນ ພ້ອມທັງອາວຸດຍຸດໂທປະກອນຈາກທຸກເຫຼົ່າທັບ ລວມທັງຈາກຈີນ ແລະ ມົງໂກລີ ທີ່ເຝິກຊ້ອມມາຕັ້ງແຕ່ວັນທີ 11 ກັນຍາ ທີ່ຜ່ານມາ ແລະ ຈະສິ້ນສຸດໃນວັນທີ 17 ກັນຍາ 2018 ນີ້.

NATO ເຝິກຊ້ອມຮົບທາງອາກາດ
NATO ເຝິກຊ້ອມຮົບທາງອາກາດ
NATO ເຝິກຊ້ອມຮົບທາງອາກາດ