ຜູ້ນຳເກົາຫຼີໃຕ້ ຢ້ຽມຢາມເກົາຫຼີເໜືອຢ່າງເປັນທາງການ ເພື່ອສັນຕິພາບສອງເກົາຫຼີ

Pyeongyang Press Corps/Pool
Pyeongyang Press Corps/Pool

ສຳນັກຂ່າວຕ່າງປະເທດລາຍງານ 18 ກັນຍາ 2018 ວ່າ: ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ແລະ ທ່ານ ນາງ ຄິມ ຈອງ-ຊຸກ ພັນລະຍາ ເດີນທາງດ້ວຍຖ້ຽມບິນພິເສດຂອງລັດຖະບານເກົາຫຼີໃຕ້ ພ້ອມຄະນະຜູ້ຕິດຕາມອີກປະມານ 110 ຄົນ ເຖິງສະໜາມບິນສາກົນປຽງຢາງ ເມື່ອຕອນເຊົ້າຂອງວັນອັງຄານນີ້ ຕາມເວລາທ້ອງຖິ່ນ ໂດຍມີທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ແລະ ທ່ານ ນາງ ຣີ ຊອນ-ຈູ ພັນລະຍາ ລໍຖ້າໃຫ້ການຕ້ອນຮັບດ້ວຍຕົນເອງ ເຊິ່ງຜູ້ນຳເກົາຫຼີເໜືອນຳທ່ານປະທານປະເທດເກົາຫຼີໃຕ້ກວດແຖວທະຫານກອງກຽດຕິຍົດ ແລະ ທັກທາຍຕົວແທນປະຊາຊົນຈຳນວນຫຼາຍທີ່ຕັ້ງແຖວລໍຖ້າຕ້ອນຮັບ.

Pyeongyang Press Corps/Pool

ເຊິ່ງທ່ານ ມູນ ແຈ-ອິນ ແລະ ຄະນະຈະພັກຢູ່ໃນເກົາຫຼີເໜືອຈົນເຖິງວັນພະຫັດນີ້ ເພື່ອຮ່ວມກອງປະຊຸມສຸດຍອດລະດັບຜູ້ນຳສອງເກົາຫຼີ ເຊິ່ງຈັດຂຶ້ນທີ່ນະຄອນຫຼວງປຽງຢາງ ຄັ້ງທີ 3 ໂດຍການຢ້ຽມເກົາຫຼີເໜືອຂອງຜູ້ນຳເກົາຫຼີໃຕ້ 2 ຄັ້ງກ່ອນໜ້ານັ້ນ ເກີດຂຶ້ນເມື່ອປີ 2000 ແລະ 2007 ໃນສະໄໝຂອງທ່ານ ປະທານປະເທດ ຄິມ ແດ-ຈຸງ ແລະ ທ່ານ ໂນ ມູ-ຮະຢອນ ພົບປະຫາລືກັບທ່ານ ຄິມ ຈອງ-ອິວ ຜູ້ນຳສູງສຸດຂອງເກົາຫຼີເໜືອໃນເວລານັ້ນ, ນອກຈາກນີ້ ການພົບປະຫາລືກັນລະຫວ່າງທ່ານ ມູນ ແຈ-ອິນ ກັບ ທ່ານ ຄິມ ຈອງ-ອຶນ ໃນຄັ້ງນີ້ ຖືເປັນຄັ້ງທີ 3 ຕໍ່ຈາກກອງປະຊຸມເມື່ອວັນທີ 27 ເມສາ ແລະ ວັນທີ 27 ພຶດສະພາ ທີ່ຜ່ານມາ ແຕ່ການປະຊຸມທັງສອງຄັ້ງນີ້ການເປັນພົບປະຫາລືກັນທີ່ບ້ານປັນມຸນຈອມ ເຂດປອດທະຫານ ທີ່ເປັນຊາຍແດນລະຫວ່າງສອງເກົາຫຼີ.

ສຳລັບກຳນົດການຂອງທ່ານ ມູນ ແຈ-ອິນນັ້ນ ມີການເປີດເຜີຍໃນເບື້ອງຕົ້ນວ່າ ຈະມີການພົບປະຫາລືຢ່າງໜ້ອຍ 2 ຄັ້ງ ກັບທ່ານ ຄິມ ຈອງ-ອຶນ ແລະ ຈະມີການຖະແຫຼງຮ່ວມກັນໃນວັນພຸດ, ຂະນະທີ່ເປົ້າໝາຍສຳຄັນຂອງເກົາຫຼີໃຕ້ໃນການປະຊຸມຄັ້ງນີ້ ຄືການຂະຫຍາຍຂອບ ແລະ ຍົກລະດັບການຄວາມມືຂ້າມແດນກັບເກົາຫຼີເໜືອ ການປຶກສາຫາລືຕໍ່ເນື່ອງຈາກປະຕິຍານປັນມຸນຈອມ ໂດຍສະເພາະໃນບັນຫາສົນທິສັນຍາສັນຕິພາບສະບັບຖາວອນ ເພື່ອຢຸດຕິສົງຄາມເກົາຫຼີທີ່ແກ່ຍາວມາດົນກວ່າ 6 ທົດສະວັດ ແລະ ເປັນສື່ກາງລະຫວ່າງລັດຖະບານເກົາຫຼີເໜືອ ກັບ ສະຫະລັດ ອາເມຣິກາ ເພື່ອນຳໄປສູ່ການປະຊຸມຄັ້ງທີ 2 ລະຫວ່າງທ່ານ ຄິມ ຈອງ-ອຶນ ກັບທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ເພື່ອຕໍ່ຍອດການພົບປະຫາລືຄັ້ງທຳອິດ ທີ່ສິງກະໂປ ເມື່ອວັນທີ 12 ມິຖຸນາ 2018 ທີ່ຜ່ານມາ.

Pyeongyang Press Corps/Pool
Pyeongyang Press Corps/Pool
Pyeongyang Press Corps/Pool
Pyeongyang Press Corps/Pool