ປີ 2018 ສປປ.ລາວ ສົ່ງອອກເຂົ້າໄປ ສປ.ຈີນແລ້ວກວ່າ 17 ພັນໂຕນ ແລະ ຈະບັນລຸ 20 ພັນໂຕນໃນທ້າຍປີ

ອີງຕາມການລາຍງານຕໍ່ກອງປະຊຸມສະພາແຫ່ງຊາດ ສະໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ 8 ຄັ້ງວັນທີ 26 ພະຈິກ 2018 ທີ່ຜ່ານມາ, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າໃຫ້ຮູ້ວ່າ: ຮອດເດືອນ 10 ປີ 2018 ສປປ.ລາວ ໄດ້ບັນລຸການສົ່ງອອກເຂົ້າໄປ ສປ.ຈີນ ຈຳນວນ 16,800​ໂຕນ (ໃນຮ່ວງໂກຕາ 20,000​ ໂຕນ ທີ່ລັດຖະບານຈີນໃຫ້ ສປປ.ລາວ).

ໂດຍໃນໄລຍະການຮ່ວມງານສະແດງສິນຄ້ານຳເຂົ້າສາກົນ ສປ.ຈີນ ທີ່ນະຄອນຊຽງໄຮ ໃນເດືອນພະຈິກ ທີ່ຜ່ານມາ ໂຮງສີເຂົ້າໄອດີພີ ໄດ້ເຊັນສັນຍາຊື້-ຂາຍເຂົ້າກັບບໍລິສັດກັອບໂກ (COFCO) ງວດສຸດທ້າຍໃນໂກຕາ 20 ພັນໂຕນ, ໃນວັນທີ 25 ພະຈິກ 2018, ບໍລິສັດດັ່ງກ່າວໄດ້ສົ່ງງວດທີ່ເຫຼືອ 1,000​ ໂຕນໄປ ສປ.ຈີນ ແລະ ສ່ວນທີ່ເຫຼືອ 2,200 ໂຕນ ແມ່ນຈະເປັນງວດສຸດທ້າຍທີ່ຈະສົ່ງອອກສຳເລັດ ໃນເດືອນທັນວາ 2018 ນີ້.

- Advertisement -