ອິນໂດເນເຊຍ ນ້ຳຖ້ວມກະທັນຫັນ-ດິນເຈື່ອນ ເຮັດໃຫ້ມີຜູ້ເສຍຊີວິດແລ້ວ 30 ຄົນ

ສຳນັກຂ່າວຕ່າງປະເທດລາຍງານ 25 ມັງກອນ 2019 ວ່າ: ສຳນັກງານບໍລິການຈັດການໄພພິບັດແຫ່ງຊາດອິນໂດເນເຊຍ (BNPB) ລາຍງານກ່ຽວກັບສະຖານະການລະດັບນ້ຳລົ້ນເຂື່ອນບິລິ-ບິລິ ເມື່ອກາງອາທິດນີ້ ສົ່ງຜົນໃຫ້ເກີດນ້ຳຖ້ວມຢ່າງກະທັນຫັນ ແລະ ດິນເຈື່ອນເປັນວົງກວ້າງໃນພື້ນທີ່ຫຼາຍແຫ່ງທິດໃຕ້ຂອງເກາະສຸລາເວສີ ເຊິ່ງເປັນສະຖານທີ່ຕັ້ງຂອງເຂື່ອນ ວ່າມີຈຳນວນຜູ້ເສຍຊີວິດເພີ່ມຂຶ້ນຢ່າງໜ້ອຍ 30 ຄົນ, ຂະນະທີ່ປະຊາຊົນອີກຫຼາຍກວ່າ 30,000 ຄົນ, ຕ້ອງອົບພະຍົບອອກຈາກບ້ານເຮືອນ ແລະ ມີຜູ້ຕ້ອງເຂົ້າຮັບການປິ່ນປົວຢູ່ໂຮງໝໍອີກເກືອບ 50 ຄົນ.

(Photo by Anis ADRIS / AFP)

ຂະນະດຽວກັນ, ໄພພິບັດທຳມະຊາດຄັ້ງນີ້ ຍັງໄດ້ສ້າງຄວາມເສຍຫາຍເປັນວົງກວ້າງໃຫ້ກັບລະບົບພື້ນຖານໂຄງລ່າງທັງເສັ້ນທາງ ແລະ ຂົວ, ກາຍເປັນອຸສັກໃຫ້ແກ່ເຈົ້າໜ້າທີ່ໃນການລຳລຽງເຄື່ອງຊ່ວຍເຫຼືອເຂົ້າສູ່ພື້ນປະສົບໄພ ຈຶ່ງຕ້ອງໃຊ້ເຮລິຄັອບແຕລຳລຽງ ແລະ ອົບພະຍົບປະຊາຊົນແທນ, ນອກຈາກນີ້ ຜູ້ເສຍຊີວິດຍັງມີທິດທາງທີ່ຈະເພີ່ມຂຶ້ນອີກດ້ວຍ ເນື່ອງຈາກມີລາຍງານຜູ້ສູນຫາຍ.

(Photo by YUSUF WAHIL / AFP)

- Advertisement -